ون مىڭعا جۋىق ەتنيكالىق قازاق قانداس مارتەبەسىن الدى
اعىمداعى جىلدىڭ 1-قىركۇيەگىندەگى جاعداي بويىنشا 9,9 مىڭ ادام تاريحي وتانىمەن تابىسىپ، قانداس مارتەبەسىن الدى. جالپى 1991 -جىلدان بەرى رەسپۋبليكاعا 1 ميلليون 67,2 مىڭ ەتنيكالىق قازاق ورالدى.
وسى جىلى قازاقستانعا كەلگەن قانداستاردىڭ جارتىسىنان كوبى (%59,1) قىتايدان، %25,6 وزبەكستاننان، %8,8 تۇرىكمەنستاننان، %3,5 موڭعوليادان جانە %3 باسقا ەلدەردەن. كەلگەن ەتنيكالىق قازاقتار نەگىزىنەن الماتى (%54,6) جانە ماڭعىستاۋ (%12,7) وبلىستارىنا، سونداي-اق نۇر-سۇلتان (%4,1) جانە شىمكەنت قالالارىنا (%3,1) قونىستاندى.
«كەلۋشىلەردىڭ ىشىندە %60 دان استامى ەڭبەككە جارامدى جاستا، ال شامامەن %5 ى عانا زەينەتكەرلەر. قانداس مارتەبەسىن العاندار، قازاقستان ازاماتتارىمەن قاتار، جۇمىسپەن قامتۋدىڭ جول كارتاسى شەڭبەرىندە جۇزەگە اسىرىلاتىن جوبالار اياسىندا، جۇمىسپەن قامتۋ ورتالىقتارى ارقىلى جۇمىس تابا الادى»، - دەدى ق ر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك، الەۋمەتتىك قورعاۋ جانە كوشى-قون كوميتەتىنىڭ كوشى-قون مونيتورينگى باسقارماسىنىڭ باسشىسى داستان ايتقۇلوۆ.
ايتا كەتۋ كەرەك، 2019 -جىلدىڭ وسى كەزەڭىندە 9,6 مىڭعا جۋىق ەتنيكالىق قازاق قانداس مارتەبەسىن الدى، ونىڭ ىشىندە %53 وزبەكستاننان، %26 قىتايدان، %21 موڭعوليادان، تۇركمەنستاننان جانە باسقا ەلدەردەن كەلدى.
ەسكە سالساق، ماۋسىم ايىندا 6 مىڭنان استام ادام قانداس مارتەبەسىن العاندىعى تۋرالى جازعان ەدىك.
اۆتور: رۋسلان عابباسوۆ