+7 (701) 759 90 19
2 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

زاۋرەش باتتالوۆا: باسپاناسى بار ادامدى باسپاناسىزعا اينالدىرۋ - قىلمىس

25 قىركۇيەك 13:44
:ءبولىسۋ
زاۋرەش باتتالوۆا: باسپاناسى بار ادامدى باسپاناسىزعا اينالدىرۋ - قىلمىس

نۇر-سۇلتان. قازاقپارات - باسپاناسى بار ادامدى باسپاناسىزعا اينالدىرۋ - قىلمىس.

مۇنداي پىكىردى «قازاقستانداعى پارلامەنتاريزمدى دامىتۋ قورى» قوعامدىق قورىنىڭ پرەزيدەنتى زاۋرەش باتتالوۆا ءبىلدىردى، دەپ حابارلايدى قازاقپارات ءتىلشىسى.

«بۇگىندە ەلىمىزدە كوپتەگەن ازاماتتىڭ باسپاناسىز جۇرگەنىن كورىپ وتىرمىز. كوروناۆيرۋس ىندەتى كەزىندە جاعداي ودان ارى مۇشكىل بولا ءتۇستى. جالعىز عانا باسپاناسى بار ادامداردى پاتەرىنەن قالاي ايىرماقپىز؟ قازىرگى ۋاقىتتا قازاقستاندا باسپاناسىزدىق ارتىپ بارادى. بيزنەس نىساندار سالامىز دەپ جەرىن تارتىپ العان كەزدە ازاماتتار باسپاناسىنان ايىرىلادى. نە بولماسا بانك كرەديتىن تولەي الماي پاتەرىنەن ايىرىلىپ قالادى. ۇلەسكەرلىك قۇرىلىسقا قاتىسامىن دەپ باسپاناسىز قالعاندار دا بار. پايدالانۋعا بەرىلگەن ۇيىنە كىرىپ، ارتىنان ودان ايىرىلىپ قالعان ادامدار دا كەزدەسەدى. بۇل - اقىلعا سىيمايتىن دۇنيە. باسپاناسى بار ادامدى باسپاناسىزعا اينالدىرۋ - قىلمىس دەپ سانايمىن. سوندىقتان قازاقستانداعى پارلامەنتاريزمدى دامىتۋ قورى تۇرعىن ءۇي ماسەلەسىنە ارنالعان زاڭعا وزگەرىس ەنگىزۋدى تالاپ ەتىپ وتىر. سول وزگەرىستەردىڭ بىرىندە ادامداردىڭ باسپاناسى بوستان بوسقا الىنباۋى تيىستىگى كوزدەلگەن»، - دەدى زاۋرەش باتتالوۆا.

ونىڭ ايتۋىنشا، حالىقارالىق ستاندارتقا سايكەس، بالاما پاتەر بەرمەيىنشە نەمەسە نارىقتىق قۇنىن وتەمەيىنشە ازاماتتى باسپاناسىنان ماجبۇرلەپ شىعارۋعا بولمايدى.

«بۇل زاڭ جوباسىن وتكەن جىلى باستاپ، وسى جىلدىڭ ماۋسىمىندا اياقتاعان ەدىك. ءبىراق، كوروناۆيرۋس ىندەتى ۋاقىتتى ۇزارتىپ جىبەردى. دەگەنمەن، 1-قىركۇيەكتە پرەزيدەنت ءوز جولداۋىندا تۇرعىن ءۇي ماسەلەلەرى جونىندەگى زاڭناماعا وزگەرىستەر ەنگىزۋگە تاپسىرما بەردى. سوندىقتان ءبىز وسىدان ەكى كۇن بۇرىن اقپارات جانە قوعامدىق دامۋ مينيسترلىگىنە قاراستى كوميتەتپەن كەزدەسكەن ەدىك. ولار بۇگىندە وسى تۇرعىن ءۇي ماسەلەسى جونىندەگى زاڭدارعا وزگەرىستەر دايىنداۋعا كىرىستى. ءبىز ولارمەن كەلىستىك، ۇسىنىستارىمىزدى جىبەرەمىز. ءدال «ءبىزدىڭ زاڭىمىز ءوتسىن» دەمەيمىز. ءبىز ازىرلەگەن زاڭداعى نورمالار باسقا زاڭدارعا ەنگىزىلسە دە قاناعاتتانامىز»، - دەدى ول.

ال قازاقستان كوممۋنيستىك حالىق پارتياسى ورتالىق كوميتەتىنىڭ حاتشىسى جامبىل احمەتبەكوۆ زاڭ جوباسىن پارلامەنت قاراۋىنا ەنگىزۋ پروتسەدۋراسىنىڭ ۇزاققا سوزىلۋى مۇمكىن ەكەندىگىن ايتادى. «زاڭ جوباسى ەڭ الدىمەن ساراپتاماعا جىبەرىلەدى. وعان قاراجات قاجەت بولادى. قاراجات ۇكىمەت تاراپىنان ءبولىنۋى كەرەك. ودان كەيىن وڭ شەشىم قابىلدانىپ جاتسا، زاڭ جوباسى ۇكىمەت تاراپىنان قارالىپ، قورىتىندىسى شىعىپ، پارلامەنتكە تۇسەدى. بۇل ۇزاق ۋاقىتتا تالاپ ەتەتىن جۇمىس»، - دەدى ول.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات