+7 (701) 759 90 19
2 °С : نۇر-سۇلتان
0 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

قازاقستاندا كەدەيلىك دەڭگەيى ءوستى - ساراپشىلار

25 قىركۇيەك 14:01
:ءبولىسۋ
قازاقستاندا كەدەيلىك دەڭگەيى ءوستى - ساراپشىلار

نۇر -سۇلتان. قازاقپارات - قازاقستاندا كوروناۆيرۋس داعدارىسىنىڭ جاعدايىندا كەدەيلىك دەڭگەيى ءوستى، - دەپ حابارلايدى Finprom.kz.

2020 -جىلدىڭ ەكىنشى توقسانىندا حالىق اراسىندا تابىسى ەڭ تومەنگى كۇنكورىس دەڭگەيىنەن تومەندەر ۇلەسى 5,7 پايىزعا دەيىن كوبەيدى ( ءبىر جىل بۇرىن - 4,3 پايىز بولعان)، بۇل 2011 -جىلدان بەرگى ەڭ ناشار كورسەتكىش. بۇل ەلدەگى ەكونوميكالىق بەلسەندىلىكتىڭ تومەندەۋى، سونداي- اق كوروناداعدارىستىڭ جالپى تەرىس سالدارىنان بولدى.

ەسكە سالايىق، 2020 -جىلدىڭ ەكىنشى توقسانىندا قازاقستان بويىنشا ەڭ تومەنگى كۇنكورىس دەڭگەيى جان باسىنا شاققاندا ورتا ەسەپپەن 32,6 مىڭ تەڭگە بولدى.

جالپى العاندا، تابىسى ەڭ تومەنگى كۇنكورىس دەڭگەيىنەن تومەن حالىق سانى - 1,1 ميلليون ادام. قالالىق جانە اۋىلدىق جەرلەردىڭ كورسەتكىشىندە بۇرىنعىشا ايتارلىقتاي ايىرماشىلىق بار. ماسەلەن، اۋىلدىق جەرلەردە تابىسى كۇنكورىس دەڭگەيىنەن تومەن قازاقستاندىقتار 7,8 پايىز بولسا، قالالىق جەرلەردە - 4,2 پايىز.

تابىسى ەڭ تومەنگى كۇنكورىس دەڭگەيىنەن از حالىق ۇلەسىنىڭ ارتۋى ەلدىڭ بارلىق دەرلىك وڭىرىندە بايقالادى. 2020 -جىلدىڭ ەكىنشى توقسانىندا كەدەيلىك دەڭگەيىنىڭ ەڭ جوعارى ءمانى تۇركىستان (12,8 پايىز)، سولتۇستىك قازاقستان (7,4 پايىز)، جامبىل (6,9 پايىز)، قىزىلوردا (6,9 پايىز) جانە اقمولا (6,7 پايىز) وبلىستارىندا تىركەلدى. جالپى العاندا، وسى بەس وڭىردە تابىسى تومەن حالىق سانى 481,8 مىڭ ادام بولدى.

كەدەيلىكتىڭ ەڭ تومەنگى دەڭگەيى نۇر- سۇلتاندا (1,4 پايىز)، سونداي-اق قاراعاندى (2,4 پايىز) جانە اتىراۋ وبلىستارىندا (3,1 پايىز) تىركەلگەن.

الماتىدا تابىسى ەڭ تومەنگى كۇنكورىس دەڭگەيىنەن تومەن حالىقتىڭ ۇلەسى - 6,2 پايىز (ءبىر جىل بۇرىن - 2,6 پايىز)، شىمكەنتتە - 6,4 پايىز (ءبىر جىل بۇرىن - 3,1 پايىز).



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات