+7 (701) 759 90 19
7 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

پولشادا كوروناۆيرۋسقا قارسى العاشقى ءدارى جاسالدى

25 قىركۇيەك 13:15
:ءبولىسۋ
پولشادا كوروناۆيرۋسقا قارسى العاشقى ءدارى جاسالدى

نۇر -سۇلتان. قازاقپارات - پولشادا كوروناۆيرۋسقا قارسى العاشقى ءدارى-دارمەك ويلاپ تابىلعانى رەسمي تۇردە جاريالاندى.

پرەپارات كلينيكالىق سىناققا جىبەرىلدى، - دەپ حابارلايدى Onet سايتى.

ءدارىنى Biomed كومپانياسى كوروناۆيرۋس جۇقتىرىپ، اۋرۋدان ايىققان ادامداردىڭ قان پلازماسىن قولدانا وتىرىپ جاساعان. قازىر ولار پرەپاراتتى كلينيكالىق سىناقتان وتكىزۋ ءۇشىن ءتورت ورتالىققا جىبەردى: ليۋبلين، بىتوم، بەلوستوك جانە ۆارشاۆاعا.

«23-قىركۇيەكتە ءوندىرىس كەزەڭى اياقتالدى، ناتيجەسىندە anti-SARS- CoV-2 يممۋنوگلوبۋلينىنىڭ ءۇش مىڭنان اسا امپۋلاسى شىعارىلدى، ولار قاجەتتى تەستىلەۋدەن وتكەن سوڭ، ونىڭ ىشىندە ءونىمنىڭ تۇراقتىلىعىن تەكسەرۋ اياقتالعاننان كەيىن كلينيكالىق سىناقتارعا جىبەرىلەدى. كوممەرتسيالىق ەمەس ماقساتتا كلينيكالىق سىناقتارعا پرەپاراتتى شىعارۋ 2020 -جىلدىڭ ءتورتىنشى توقسانىنا جوسپارلانعان»، - دەدى كومپانيا باسشىسى مارتسين پيروگ.

پرەپارات ءوندىرىسى 18-تامىزدا باستالعانى اتاپ ءوتىلدى.

«COVID-19-دى جازىلىپ شىققان ادامنىڭ قان پلازماسىمەن ەمدەۋ ءادىسىن ددۇ جانە پولشا دەنساۋلىق ساقتاۋ مينيسترلىگى ماقۇلدادى»، - دەدى پرەپاراتتىڭ تۇساۋكەسەرىنە قاتىسقان پولشا پارلامەنتىنىڭ سەناتورى، دارىگەر گجەگوج چەلەي.

بۇعان دەيىن قىتايدا كوروناۆيرۋسقا قارسى 11 ۆاكسينا كلينيكالىق سىناقتان ءوتىپ جاتقانى حابارلانعان بولاتىن.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات