مەملەكەت باسشىسى جۇمىس ساپارىمەن الماتى قالاسىنا كەلدى

الماتى. قازاقپارات - مەملەكەت باسشىسى قاسىم- جومارت توقايەۆ جۇمىس ساپارىمەن الماتى قالاسىنا كەلدى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي ايتتى.

ساپار بارىسىندا قازاقستان پرەزيدەنتى قالالىق كلينيكالىق جۇقپالى اۋرۋلار اۋرۋحاناسىنىڭ جاڭا فيليالىمەن تانىسادى جانە مەديتسينا قىزمەتكەرلەرىمەن اڭگىمەلەسەدى. سونىمەن قاتار ءبىلىم بەرۋ ورتالىعىن، يندۋستريالىق جانە ينفراقۇرىلىمدىق نىسانداردى ارالاپ كورەدى دەپ جوسپارلانعان. بۇدان بولەك قاسىم- جومارت توقايەۆ الماتىدا قوعام قايراتكەرلەرىمەن جانە ۇلتتىق قوعامدىق سەنىم كەڭەسىنىڭ مۇشەلەرىمەن ءبىرقاتار كەزدەسۋ وتكىزەدى.