ماسكا تاعۋدان باس تارتقان رەجيسسەر حالىقارالىق فەستيۆالدان قۋىلدى

نۇر- سۇلتان. قازاقپارات - يسپانياداعى سان- سەباستيان قالاسىندا ءوتىپ جاتقان حالىقارالىق فەستيۆالدا فرانتسيالىق رەجيسسەر، سەناريشى جانە اكتەر ەجەن گرين مەديتسينالىق ماسكا تاعۋدان باس تارتقانى ءۇشىن اككرەديتاتسيادان ايىرىلىپ، بايقاۋدان شىعارىلدى.

بۇل تۋرالى قازاقپارات EFE اگەنتتىگىنە سىلتەمە جاساپ حابارلايدى.

ۇيىمداستىرۋشىلاردىڭ ايتۋىنشا، فيلمىن كورسەتۋ كەزىندە رەجيسسەردىڭ ماسكا تاعۋ بەس رەت سۇرالدى، ءبىراق گرين باس تارتقان. اقىرى فرانسيالىق رەجيسسەر زالدان قۋىلدى. باسىلىم مالىمەتىنشە، جەرگىلىكتى قۇقىق قورعاۋ ورگاندارى اكتەردى وعان شاعىم تۇسىرىلەتىنى جايىندا ەسكەرتكەن. 28-تامىزدا پاريج بيلىگى قالا تۇرعىندارىن كوشەدە جۇرگەندە ماسكا تاعۋدى مىندەتتەگەن بولاتىن. ال 26 -تامىزدا مۇنداي شەشىمدى مارسەل بيلىگى دە قابىلدادى. كوشەدە نەمەسە دۇكەندە ماسكاسىز جۇرگەندەرگە 135 ەۋرو كولەمىندە ايىپپۇل سالىنادى. ەرەجەلەر قايتا بۇزىلسا، ايىپپۇل سوماسى 1,5 مىڭ ەۋروعا دەيىن كوبەيۋى مۇمكىن.