قىزىل تەڭىزدە تۇرىپ قالعان تانكەر ەكولوگياعا قاۋىپ توندىرەدى
سارسەنبىدە ب ۇ ۇ جانىنداعى ساۋد ارابياسىنىڭ تۇراقتى وكىلى ابداللا ءال- مۋالليمي ب ۇ ۇ قاۋىپسىزدىك كەڭەسىنە بەس جىلدان استام ۋاقىت بۇرىن قىزىل تەڭىزدەگى يەمەندىك راس يسسا مۇناي تەرمينالىندا تۇرىپ قالعان Safer تانكەرىنەن 50 شاقىرىم جەردە توگىلگەن مۇناي داقتارى تۋرالى ەسكەرتتى. مۇناي داقتارى تانكەردەن باتىسقا قاراي كەمەلەردىڭ ترانزيتتىك ايماعىندا بايقالعان، بۇل يەمەن جاعالاۋىنا 1,1 ميلليون باررەل شيكى مۇنايدىڭ توگىلۋىنە قاۋىپ توندىرەدى. بۇعان دەيىن ساۋد ارابياسى بۇل ماسەلەنى تالقىلاۋ ءۇشىن اراب ەلدەرىنىڭ ەكولوگيا مينيسترلەرىمەن كەزدەسۋدى سۇراعان بولاتىن.
ب ۇ ۇ Safer تانكەرىنەن لاستانۋ 1989 -جىلى الياسكا جاعالاۋىنداعى Exxon Valdez تانكەرىنىڭ اپاتىنان ءتورت ەسە كوپ بولۋى مۇمكىن دەپ ەسكەرتتى. سودان كەيىن مۇحيتقا توگىلگەن 260 مىڭ باررەل مۇناي حانزادا ۆيلگەلم بۇعازىنا ىرگەلەس جاتقان ۇلكەن سۋ ايماعىن لاستاعان.