ەلوردادا ليفتىن اۋىستىراتىن ۇيلەردىڭ ءتىزىمى جاسالدى

نۇر-سۇلتان. قازاقپارات - ەلوردادا ءليفتىن اۋىستىراتىن ۇيلەردىڭ ءتىزىمى جاسالدى. بۇل تۋرالى نۇر-سۇلتان قالاسىنىڭ اكىمى التاي كۇلگىنوۆ ايتتى، دەپ حابارلايدى قازاقپارات.

«كوپ پاتەرلى ۇيلەردىڭ تۇرعىندارى ءۇشىن ليفتتەر اسا قاجەت ەكەنى بەلگىلى. وكىنىشكە قاراي، كەيبىر ۇيلەردەگى ليفتتەر اپاتتى جاعدايدا، ال كەيبىرەۋلەرى ءتىپتى جۇمىس ىستەمەيدى دە. ءبىز بيىل ليفتىن اۋىستىراتىن ۇيلەردىڭ ءتىزىمىن جاسادىق. مىسالى، «Sun city» (عابدۋللين كوشەسى، 11) تۇرعىن ءۇي كەشەنىندە ءبىر پودەزدىڭ ليفتى 2009 -جىلدان بەرى جۇمىس ىستەمەگەن، ال باسقالارى اپاتتى جاعدايدا بولىپتى. ادامدار بىرنەشە رەت ليفتتە قامالىپ، مامانداردى شاقىرۋعا ءماجبۇر بولعان. ەندى وسى ۇيگە «نۇرلى جەر 2020-2025» تۇرعىن ءۇي - كوممۋنالدىق كەشەندى دامىتۋ باعدارلاماسى اياسىندا جاڭا ليفتتەر ورناتتىق»، - دەدى اكىم ءوزىنىڭ جەلىدەگى پاراقشاسىندا.

اكىمنىڭ ايتۋىنشا قالادا جارتى جىلعا جەتپەيتىن ۋاقىت ىشىندە 100 ءليفتتى جاڭارتىرماق جانە قازىرگى كەزدە ونىڭ 30 ليفت جاڭارتىلعان.

«بۇعان قوسا، سول تۇرعىن ءۇي - كوممۋنالدىق كەشەندى دامىتۋ باعدارلاماسى بويىنشا 50 دەن استام كوپپاتەرلى ۇيلەردى جوندەۋدەن وتكىزەمىز، ولاردىڭ ىشىندە مىسالى - «وربيتا»، «تەرريتوريا كومفورتا-2»، ت. ب. تۇرعىن ءۇي كەشەندەرى بار»، - دەپ تولىقتىردى اكىم.