پاۆلودار وبلىسىندا ءۇي قۇستارىن جويىپ جاتىر

None
None
نۇر-سۇلتان. قازاقپارات- ەرتىس وڭىرىندە ىندەت تاراعان ەلدى مەكەندەردە ءۇي قۇستارىن جويۋ جۇمىستارى قولعا الىندى. قازىرگى ۋاقىتتا تەرەڭكول اۋدانى تروفيموۆكا اۋىلى تۇرعىندارىنىڭ قاناتتىلارى جويىلىپ جاتىر.

كارانتين شەڭبەرىندە ەلدى مەكەنگە بوگدە ادامدار مەن كولىكتەردىڭ كىرىپ شىعۋىنا رۇقسات جوق. جاڭاقۇرىلىس اۋىلدىق وكرۋگىنە قاراستى تروفيموۆكا اۋىلىندا قۇس ءولىمى ءبىر اپتا بۇرىن تىركەلدى. ساراپتاما وڭ ناتيجە بەرگەن سوڭ كارانتين جاريالاندى. سول ساتتە ەكى تۇرعىننىڭ اۋىلىنان ولگەن قاناتتىلار تابىلدى. باس- اياعى 200 گە جۋىق قۇس قىرىلدى. قازىرگى ۋاقىتتا ەلدى مەكەنگە كىرەبەرىستەرىنىڭ بارلىعى جابىق.

قايىربەك ءاپسالاموۆ، جاڭاقۇرىلىس اۋىلدىق وكرۋگىنىڭ اكىمى:

- سانيتارلىق نورمالارعا سايكەس اۋرۋ وشاعىنا ماماندارعا عانا كىرۋگە رۇقسات. ۆەتەرينارلىق قىزمەت ارنايى كيىممەن قامتىلعان. قۇستاردى اۋلاپ، جويۋ جۇمىستارىن ءۇش كۇننىڭ ىشىندە اياقتاماقپىز. قازىرگى ۋاقىتتا ەپيەدميولوگياعا قارسى رەسپۋبليكالىق قىزمەت ماماندارى مەن جەرگىلىكتى ۆەتەرينارلار ءتيىستى شارالاردى قولعا الدى. ۆەتەريناريالىق زاڭناماعا سايكەس، قاز- تاۋىقتار ارنايى پەشتە جاعىلۋى ءتيىس.

جەرگىلىكتى اكىمدىك وكىلدەرى بۇعان دەيىن حالىق اراسىندا ءتۇسىندىرۋ جۇمىستارىن جۇرگىزگەن. زەينەتكەر بوتاگوز سىزدىقوۆانىڭ اۋلاسىندا 30 شاقتى قاز- ۇيرەك بار. قاناتتىلارى اۋرۋ جۇقتىرماسا دا كارانتين تالابىنا باعىنۋعا تۋرا كەلىپتى.

بوتاگوز سىزدىقوۆا، جاڭاقۇرىلىس اۋىلدىق وكرۋگى تروفيموۆكا اۋىلىنىڭ تۇرعىنى:

- تاۋىقتار، سونىڭ ءبارىن الىپ قالدىق، ەستىگەننەن كەيىن قورقىپ. وسىلاي ءوزىمىزدى ساقتاساق. قۇستاردى ۇيدەن شىعارعان جوقپىز، توسىپ تۇرمىز. وسىنىڭ ءبارىن تاپسىرۋ كەرەك. ءوزىمىزدىڭ اماندىق ءۇشىن. ب

ۇگىنگى تاڭدا وشاقتا بىرنەشە ۆەتەرينارلىق توپ جۇمىس ىستەپ جاتىر. ازىرگە 300 دەن استام قۇس باسى ۇستالىپ، جويىلدى. شەكتەۋ شارالارى شەڭبەرىندە ەلدى مەكەننىڭ اينالاسى جىرتىلىپ، دەزينفەكتسيالىق بەكەت قويىلدى. قۇستاردىڭ بارلىعى جويىلعان سوڭ 21 كۇن بويى كارانتين رەجيمى ساقتالماق.

ەرمۇحامەت جۇماسانوۆ، جاڭاقۇرىلىس اۋىلدىق وكرۋگىنىڭ ۆەتەرينار دارىگەرى:

- اۋىلعا، تۇگەلىنە حابارلادىق، قۇستار قاماۋلى بولسىن دەپ. ەشقانداي قۇستار قوراعا جولاماسىن. 1800 باس بار تروفيموۆكانىڭ ءوز اۋماعىندا جاڭاقۇرىلىس وكرۋگى بويىنشا 2600 باس قۇس بار. تۇگەلىنە ۆاكتسينا جاسالدى ايماقتاردا. قاراپ، تەكسەرىپ جاتىرمىز.

ايتا كەتەيىك، تەرەڭكول اۋدانىندا ءۇي قۇستارىنا ەكپە سالۋ جۇمىستارى جۇرگىزىلۋدە. وسى ۋاقىتقا دەيىن 32 مىڭنان استام باس ۆاكتسيناتسيالاندى. ەسكە سالايىق، پاۆلودار وبلىسىنىڭ جەلەزين جانە تەرەڭكول اۋداندارىندا ىندەت وشاقتارى انىقتالعان. ازىرگە ەپيدەميولوگيالىق جاعداي تۇراقتى.

www.24.kz

سوڭعى جاڭالىقتار