+7 (701) 759 90 19
-9 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

دەنساۋلىق ساقتاۋ ءمينيسترى استانانىڭ جاس نەيروحيرۋرگتارىمەن كەزدەستى

24 قىركۇيەك 21:40
:ءبولىسۋ
دەنساۋلىق ساقتاۋ ءمينيسترى استانانىڭ جاس نەيروحيرۋرگتارىمەن كەزدەستى

نۇر-سۇلتان. قازاقپارات - بۇگىن ق ر دەنساۋلىق ساقتاۋ ءمينيسترى الەكسەي سوي ەلورداداعى ۇلتتىق نەيروحيرۋرگيا ورتالىعىنىڭ جۇمىسىمەن تانىستى، دەپ حابارلايدى قازاقپارات.

ون ەكى جىل ىشىندە نەيروحيرۋرگيا دارىگەرلەرى 32 مىڭنان استام وپەراتسيا جاساپ، 70 كە جۋىق جاڭا نەيروحيرۋرگيالىق تەحنولوگيا ەنگىزدى. سونىڭ ارقاسىندا جاعدايى وتە اۋىر ناۋقاستاردى، ونىڭ ىشىندە بالالاردى اياققا تۇرعىزدى.

دەنساۋلىق ساقتاۋ ءمينيسترى ورتالىقتاعى دياگنوستيكالىق جانە كلينيكالىق بولىمشەلەردىڭ جۇمىسىمەن تانىسىپ، جاس ماماندارمەن بەيرەسمي كەزدەسۋ وتكىزدى. بۇدان باسقا، ۆەدومستۆو باسشىسى سيمۋلياتورلاردا وقىتۋ كۋرستارىن وتكىزۋ ءۇشىن قۇرىلعان ترەنينگىلىك ورتالىقتى ارالاپ شىقتى جانە مي گليومالارىن زەرتتەيتىن عىلىمي جوبا اياسىندا قۇرىلعان ورتالىق جانىنداعى بيوبانكتىڭ جۇمىسىن كوردى. الەكسەي سوي ترانسفۋزيولوگيا بولىمىندە دە بولدى.

وسى بولىمشەنىڭ ماماندارى وزدەرىنىڭ نەگىزگى جۇمىسىنان باسقا، قان ۇنەمدەۋ تەحنولوگيالارى: اۋتوەريتروتسيتتەردىڭ ينتراوپەراتسيالىق اپپاراتتىق رەينفۋزياسى، گەموستازدى ينتەگرالدى باعالاۋ - ترومبوەلاستوگرافيا سياقتى بىرەگەي ەكسپەريمەنتتەر جۇرگىزۋدە.

گوسپيتالدىق فارماتسيا بولىمشەسىندە ماماندار ەمدەۋدىڭ تيىمدىلىگىن ارتتىراتىن جانە دارىلىك زاتتاردى ۇتىمدى پايدالانۋعا مۇمكىندىك بەرگەن جاڭا تەحنولوگيانىڭ ناتيجەسى تۋرالى باياندادى. سونداي-اق، دەنساۋلىق ساقتاۋ ءمينيسترى راديولوگيا بولىمىنە دە بارىپ، وندا انگيوگرافيالىق وپەراتسيالىق بولمەنىڭ جۇمىسىمەن جانە گامما-پىشاق جۇمىس ىستەيتىن جەكە بلوك قۇرىلىسىنىڭ بارىسىمەن تانىستى. ساپار سوڭىندا ق ر دەنساۋلىق ساقتاۋ ءمينيسترى ا. سوي ورتالىقتىڭ جۇمىسىن جوعارى باعالاپ، ۇجىمنىڭ ەڭبەگىنە تابىس تىلەدى.

اۆتور: اياۋلىم التىنبەك



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات