+7 (701) 759 90 19
1 °С : نۇر-سۇلتان
11 °С : الماتى
USD 427.93 EUR 506.71
RUB 5.55 CNY 64.29
جاڭالىقتار

كوروناۆيرۋستان كەيىنگى وڭالتۋ جۇمىستارى قالاي جۇرگىزىلۋدە

24 قىركۇيەك 21:08
:ءبولىسۋ
كوروناۆيرۋستان كەيىنگى وڭالتۋ جۇمىستارى قالاي جۇرگىزىلۋدە

الماتى. قازاقپارات - الماتىداعى №4-قالالىق ەمحانانىڭ باس دارىگەرى زۋحرا وماروۆا مەديتسينالىق وڭالتۋ ورتالىعىندا كارديولوگيا، نەۆرولوگيا، نەيروحيرۋرگيا، تراۆماتولوگيا، ورتوپەديا باعىتتارى بويىنشا 3 كەزەڭنەن تۇراتىن امبۋلاتورلىق وڭالتۋ جۇرگىزىلەتىنىن ءمالىم ەتتى، دەپ حابارلايدى قازاقپارات ءتىلشىسى.

دارىگەردىڭ ايتۋىنشا، پاتسيەنتتەردى جالپى تاجىريبەدەگى ۋچاسكەلىك دارىگەردىڭ جولداماسى بويىنشا مىندەتتى الەۋمەتتىك مەديتسينالىق ساقتاندىرۋ جانە امبۋلاتورلى- ەمحانالىق كومەك اياسىندا قابىلدايدى. قازىرگى ۋاقىتتا كوروناۆيرۋسپەن اۋىرعاندار ءۇشىن بەلسەندى تۇردە وڭالتۋ جۇرگىزىلۋدە: وكسيگەنوتەراپيا، ارنايى درناجدى ماسساج، تىنىس الۋ گيمناستيكاسىنىڭ بەلگىلى تەحنيكالارى، ەمدىك دەنە شىنىقتىرۋ. سونىمەن بىرگە، پسيحولوگيالىق جانە الەۋمەتتىك بەيىمدەۋ كومەگى كورسەتىلەدى.

«برونح- وكپەلىك جۇيە عانا ەمەس، سونداي-اق، جۇرەك- قان تامىرى جۇيەسىنە زاقىم كەلگەننەن كەيىن ماماندار تەك تىنىس الۋمەن عانا ەمەس، بۇكىل اعزامەن ءبىرتۇتاس جۇيە رەتىندە جۇمىس ىستەيدى. ورتالىقتا قالپىنا كەلتىرۋ مەديتسينا دارىگەرى، رەابيليتولوگ، كينەزيتەراپيەۆت، ەرگوتەراپيەۆت، ديپلومدى ينە تەراپيەۆتى، لوگوپەد-دەفەكتولوگ، پسيحولوگتار، الەۋمەتتىك قىزمەتكەر، ماسساج جاساۋشى مامان، ەمدىك گيمناستيكا جانە تىنىس الۋ گيمناستيكاسى بويىنشا ينسترۋكتورلار قىزمەت ەتەدى. سونىمەن بىرگە، فيزيوتەراپيا، پارافينوتەرپيا، ينە تەراپياسى، گالوتەراپيا، ياعني، تۇزدى شاحتا جاسالادى»، - دەدى دارىگەر.

سونىمەن قاتار، ول مەحانيكالىق تەراپياعا ارنالعان اپپاراتتار بار ەكەنىن اتاپ ءوتتى.

«مىسالى، يىق بۋىندارىنىڭ، جامباس، تىزە، تابان بۋىندارىنىڭ پاسسيۆتى اپپاراتتارى بار. بەلسەندى مەحانيكالىق تەراپيا ءۇشىن قوسىمشا قۇرالدار بالالار مەن ەرەسەكتەرگە ارنالعان ۆەرتيكاليزاتورلارى بار. ەرگوتەرپيا جۇرگىزىپ، ۇساق موتوريكا داعدىلارىن قالپىنا كەلتىرۋ ءۇشىن ارنايى ەرگوستولداردى قولدانامىز»، - دەپ قوستى زۋحرا وماروۆا.

باس دارىگەر وڭالتۋ قىزمەتتەرى امبۋلاتورلى تۇردە جانە تەلەمەديتسينالىق جانە اقپاراتتىق تەحنولوگيالاردى قولدانۋ ارقىلى كورسەتىلەتىنىن تىلگە تيەك ەتتى. قازىرگى ۋاقىتتا كوروناۆيرۋستان كەيىن قالپىنا كەلتىرەتىن وڭالتۋ كۋرستارىنان 67 ادام وتۋدە. ورتاشا ەسەپپەن وڭالتۋ كۋرسى 10-20 كۇنگە جالعاسادى.

اۆتور: الما مۇقانوۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات