+7 (701) 759 90 19
1 °С : نۇر-سۇلتان
11 °С : الماتى
USD 427.93 EUR 506.71
RUB 5.55 CNY 64.29
جاڭالىقتار

ق ر سء ى م قازاقستاننىڭ ءولىم جازاسىنان باس تارتۋىنا قاتىستى تۇسىنىكتەمە بەردى

24 قىركۇيەك 19:26
:ءبولىسۋ
ق ر سء ى م قازاقستاننىڭ ءولىم جازاسىنان باس تارتۋىنا قاتىستى تۇسىنىكتەمە بەردى

نۇر-سۇلتان. قازاقپارات – ق ر سىرتقى ىستەر مينيسترلىگىنىڭ باسپا ءسوز قىزمەتى قازاقستاننىڭ ءولىم جازاسىن جويۋعا باعىتتالعان حالىقارالىق پاكتىگە قوسىلۋىنا قاتىستى تۇسىنىكتەمە بەردى، دەپ حابارلايدى قازاقپارات.

«بيىلعى 23-قىركۇيەكتە بۇقارالىق اقپارات قۇرالدارىندا قازاقستان رەسپۋبليكاسىنىڭ تۇراقتى وكىلى قايرات وماروۆتىڭ ب ۇ ۇ شتاب- پاتەرىندە ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىنىڭ ەكىنشى فاكۋلتاتيۆتىك حاتتاماسىنا قول قويۋىنا قاتىستى ءتۇرلى تۇسىنىسپەۋشىلىكتەردىڭ پايدا بولۋىنا بايلانىستى س ءى م باسپا ءسوز قىزمەتى كەلەسى تۇسىنىكتەمە بەرۋ قاجەت دەپ سانايدى:

«قازاقستان رەسپۋبليكاسىنىڭ حالىقارالىق شارتتارى تۋرالى» 2005 -جىلعى 30-مامىرداعى قازاقستان رەسپۋبليكاسى زاڭىنىڭ 11-بابىنىڭ 1) جانە 2) تارماقتارىنا سايكەس ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىگە فاكۋلتاتيۆتىك ەكىنشى حاتتامانى ق ر پارلامەنتى مىندەتتى تۇردە راتيفيكاتسيالاۋى ءتيىس، ويتكەنى ول ادامنىڭ جانە ازاماتتىڭ قۇقىقتارى جانە بوستاندىقتارىمەن بايلانىستى، سونداي-اق قازاقستان رەسپۋبليكاسىنىڭ زاڭدارىندا كوزدەلگەننەن وزگە ەرەجەلەردى بەلگىلەيدى.

وسىلايشا، اتالعان حالىقارالىق شارت ق ر پارلامەنتىمەن راتيفيكاتسيادان وتكەننەن كەيىن عانا كۇشىنە ەنەدى. راتيفيكاتسيالاۋ كەزىندە ەكىنشى فاكۋلتاتيۆتىك حاتتامانىڭ 2-بابىنىڭ 1-تارماعىنا سايكەس مەملەكەت اسكەري سيپاتتاعى نەعۇرلىم اۋىر قىلمىستار جاساۋداعى كىناسىن مويىنداعاننان كەيىن سوعىس ۋاقىتىندا ءولىم جازاسىن قولدانۋدى كوزدەيتىن جالعىز ەسكەرتپە جاساي الادى.

ق ر كونستيتۋتسياسىنىڭ 15-بابىنىڭ 2-تارماعىنا سايكەس «ءولىم جازاسى ادامداردىڭ قازا بولۋىمەن بايلانىستى تەرروريستىك قىلمىستار جاساعانى ءۇشىن، سونداي-اق سوعىس ۋاقىتىندا ەرەكشە اۋىر قىلمىستار جاساعانى ءۇشىن ەڭ اۋىر جازا رەتىندە زاڭمەن بەلگىلەنەدى».

تيىسىنشە حاتتامانىڭ كۇشىنە ەنۋى ءۇشىن ەلدىڭ نەگىزگى زاڭىنا ءتيىستى تۇزەتۋلەر، سونداي-اق ۇلتتىق زاڭناماعا وزگەرىستەر ەنگىزۋ قاجەت. بۇعان دەيىن حابارلاعانىمىزداي، 23-قىركۇيەكتە بىرىككەن ۇلتتار ۇيىمىنىڭ شتاب- پاتەرىندە قازاقستاننىڭ ب ۇ ۇ جانىنداعى تۇراقتى وكىلى قايرات وماروۆ ءولىم جازاسىن جويۋعا باعىتتالعان ازاماتتىق جانە ساياسي قۇقىقتار تۋرالى حالىقارالىق پاكتىنىڭ ەكىنشى فاكۋلتاتيۆتىك حاتتاماسىنا قول قويدى.

سول كۇنى ءولىم جازاسىن جويۋ تۋرالى حالىقارالىق حاتتاماعا قوسىلۋ تۋرالى شەشىمدى قازاقستان پرەزيدەنتى قاسىم- جومارت توقايەۆ ب ۇ ۇ باس اسسامبلەياسىنىڭ 75-مەرەيتويلىق سەسسياسىنىڭ جالپى ساياسي پىكىرتالاس باراسىندا سويلەگەن سوزىندە جاريالادى. ول قازاقستان ءومىر ءسۇرۋ مەن ادامي قادىر-قاسيەتكە نەگىزدەلگەن قۇقىقتى جۇزەگە اسىرۋعا بەكەم ەكەنىن اتاپ ءوتتى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات