ب ۇ ۇ باس اسسامبلەياسى: تەڭىزگە شىعار جولى جوق دامۋشى ەلدەردىڭ مينيسترلەرى كەزدەستى
باسقوسۋدا ب ۇ ۇ باس حاتشىسى انتونيۋ گۋتەرريش، ب ۇ ۇ باس اسسامبلەياسىنىڭ 75- سەسسياسىنىڭ ءتوراعاسى ۆولكان بوزكير، ب ۇ ۇ- نىڭ ەڭ وسال دامۋشى ەلدەر ءۇشىن جوعارى وكىلى فەكيتاموەلوا ۋتويكامانۋ ءسوز سويلەدى. وتىرىستى اشقان مينيستر پاندەميادان نەعۇرلىم زارداپ شەككەن وسال ەلدەردىڭ وسى توبى حالىقارالىق ارىپتەستەر مەن دونورلار تاراپىنان بارابار قولداۋدى تالاپ ەتەتىنىن اتاپ ءوتتى.
قازاقستان 2020-2021 -جىلدارعا ارنالعان ت ش ج د ە توبىنىڭ جاھاندىق ءتوراعاسى بولا وتىرىپ، توپ ەلدەرىنىڭ مۇددەلەرىن بارلىق ءتيىستى الاڭداردا قورعاۋدى جانە ىلگەرىلەتۋدى جالعاستىرادى. كەزدەسۋ قورىتىندىسى بويىنشا توپ ەلدەرىنىڭ پروبلەمالارىن، ونىڭ ىشىندە الەمدىك نارىقتاردان الىستىعىمەن جانە ترانزيتتىك ەلدەرگە تاۋەلدىلىگىمەن بايلانىستى پروبلەمالاردى شەشۋدەگى پروگرەستى جەدەلدەتۋ جونىندەگى جول كارتاسى قابىلداندى.
قازاقستان ءتوراعالىعىنىڭ باستاماسىمەن جاسالعان قۇجات 2024 -جىلعا دەيىنگى كەزەڭدە وسى مىندەتتەردى جەدەل ىسكە اسىرۋ ءۇشىن بارلىق مۇددەلى تاراپتاردىڭ كۇش- جىگەرىن بىرىكتىرۋگە ىقپال ەتەتىن بولادى. ءىس- شاراعا 200-دەن استام دەلەگات، ونىڭ ىشىندە ت ش ج د ە قاتارىنا كىرەتىن 32 ەلدىڭ جانە سەرىكتەس ەلدەردىڭ سىرتقى ساياسي ۆەدومستۆولارىنىڭ باسشىلارى، حالىقارالىق ۇيىمدار مەن ب ۇ ۇ اگەنتتىكتەرىنىڭ باسشىلارى، سونىڭ ىشىندە ەسكاتو، ە ە ك، ب ۇ ۇ ءو د ۇ، حەبو، دكۇ، يۋنەپ جانە ت. ب. قاتىستى.
تەڭىزگە شىعار جولى جوق دامۋشى ەلدەر توبىنا جارتى ميللياردتان استام حالقى بار 32 ەل كىرەدى. قازاقستان تەڭىزگە شىعا المايتىن ەڭ ءىرى اۋماقتىق جانە الەمدىك مۇحيتتان ەڭ الىس (3000 ك م- دەن استام) مەملەكەت.