قازاقستان تۋرالى بەينەروليك بەلدى حالىقارالىق سىيلىقتىڭ جەڭىمپازى بولدى
«Kazakh Tourism» ۇلتتىق كومپانياسىنىڭ» اتاپ وتۋىنشە، روليكتىڭ باستى ماقساتتارىنىڭ ءبىرى - بەلگىلى ءبىر توپتارداعى «STAN» جۇرناعىنا دەگەن تەرىس قاتىناستى جويۋ.
وسى ۋاقىتقا دەيىن روليك بۇكىل الەم بويىنشا 480 ميلليوننان استام رەت ترانسلياتسيالانعان. بۇل، قازاقستان تۋرالى تريەۆەل- روليكتەردىڭ حالىقارالىق ارەناداعى العاشقى جەڭىسى ەمەس. وتكەن جىلدىڭ ءساۋىر ايىندا «ءبىز قايدا ۇشامىز؟» ۆيدەوسى بولگاريادا وتكەن حالىقارالىق تۋريستىك فيلمدەر فەستيۆالىندە «تۋريستىك دەستيناتسيا» اتالىمىندا 90 سەكۋندقا دەيىنگى ەڭ ۇزدىك جارنامالىق بەينەروليك رەتىندە تانىلدى. ال سول جىلدىڭ قىركۇيەگىندە جوعارىدا اتالعان ەكى روليك تە «اۋماقتاردى تانىستىرۋ جانە «بەلسەندى دەمالىس پەن ويىن- ساۋىق وبەكتىلەرى» اتالىمدارىندا رەسەيدەگى «ديۆو ەۆرازيي» III تۋريستىك بەينە جانە انيماتسيا فەستيۆال- كونكۋرسىندا جەڭىسكە جەتتى.
اۆتور: مارلان جيەمباي