ءمادي تاكيەۆ پرەزيدەنت اكىمشىلىگىنىڭ ءبولىم مەڭگەرۋشىسى بولىپ تاعايىندالدى
بۇل جونىندە اقوردانىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
مەملەكەت باسشىسىنىڭ وكىمىمەن ماقسات نۇرداۋلەت ۇلى مۇحانوۆ قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك- ەكونوميكالىق مونيتورينگ ءبولىمىنىڭ مەڭگەرۋشىسى قىزمەتىنەن بوساتىلدى.
ءمادي تاكيەۆ 1978 -جىلى 1 -ساۋىردە الماتى وبلىسىندا تۋعان. قازاق مەملەكەتتىك باسقارۋ اكادەمياسىن «بۋحگالتەرلىك ەسەپ جانە اۋديت» ماماندىعى بويىنشا (1998)؛ د. قونايەۆ اتىنداعى گۋمانيتارلىق ۋنيۆەرسيتەتتى «قۇقىق تانۋ» ماماندىعى بويىنشا (2005)؛ حالىقارالىق بيزنەس ۋنيۆەرسيتەتىن «ىسكەرلىك اكىمشىلەندىرۋ ماگيسترى» دارەجەسى بويىنشا (2011) بىتىرگەن. ەڭبەك جولى: عىلىم مينيسترلىگى – ق ر عىلىم اكادەمياسىنىڭ مەملەكەت جانە قۇقىق ينستيتۋتىنىڭ باس ەسەپشىسى (1998-2000)؛ الماتى قالاسىنىڭ سالىق كوميتەتىندە ينسپەكتور، جەتەكشى ينسپەكتور، باس سالىق ينسپەكتورى، ش ك س- مەن جۇمىس، اۋديت ءبولىمىنىڭ باسشىسى (2000-2008)؛ الماتى وبلىسى بويىنشا سالىق دەپارتامەنتىنىڭ اكتسيزدەردى اكىمشىلەندىرۋ ءبولىمى، باسقارماسى باسشىسى (2008-2009)؛ الماتى قالاسى بويىنشا سالىق دەپارتامەنتى باسشىسىنىڭ ورىنباسارى (2009-2012)؛ ق ر ق م سالىق كوميتەتىنىڭ باسقارما باسشىسى (2012-2013)؛ ۇلتتىق ەكونوميكا جانە بيۋدجەتتىك جوسپارلاۋ مينيسترلىگىنىڭ سالىق جانە كەدەن ساياساتى دەپارتامەنتىنىڭ ديرەكتورى (2013-2014)؛ ق ر پرەمەر- ءمينيسترى كەڭسەسى الەۋمەتتىك- ەكونوميكالىق ءبولىمىنىڭ باس ساراپشىسى (2014)؛ اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى (2014-2017)؛ قازاقستان رەسپۋبليكاسىنىڭ قارجى مينيسترلىگىنىڭ سالىقتىق باقىلاۋ دەپارتامەنتىنىڭ ديرەكتورى- مەملەكەتتىك كىرىستەر كوميتەتى ءتوراعاسى ورىنباسارىنىڭ مىندەتىن اتقارۋشى (2017-2019)، قازاقستان رەسپۋبليكاسىنىڭ ۇلتتىق ەكونوميكا ۆيتسە- ءمينيسترى (2019-2020). «ەرەن ەڭبەگى ءۇشىن» مەدالىمەن؛ «قازاقستان رەسپۋبليكاسىنىڭ تاۋەلسىزدىگىنە 20 -جىل»، «استانا 20 -جىل» مەرەكەلىك مەدالدارىمەن ماراپاتتالعان؛ «سالىق قىزمەتىنىڭ ۇزدىگى» اتاعى بار.