+7 (701) 759 90 19
1 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

ءار ادام مەملەكەت كەپىلدىك بەرگەن تەگىن مەديتسينالىق كومەك الۋعا قۇقىلى

24 قىركۇيەك 14:47
:ءبولىسۋ
ءار ادام مەملەكەت كەپىلدىك بەرگەن تەگىن مەديتسينالىق كومەك الۋعا قۇقىلى

نۇر- سۇلتان. قازاقپارات - الەۋمەتتىك مەديتسينالىق ساقتاندىرۋ قورىندا ساقتاندىرۋ مارتەبەسى بولماعان جاعدايدا، ازاماتتارعا تەگىن مەديتسينالىق كومەكتىڭ كەپىلدىك بەرىلگەن كولەمى (ت م ك ك ك) پاكەتى بويىنشا تەگىن مەديتسينالىق قىزمەت كورسەتىلەدى.

بۇل تۋرالى الەۋمەتتىك مەديتسينالىق ساقتاندىرۋ قورى باسقارما ءتوراعاسى بولات توكەجانوۆ ءمالىم ەتتى، دەپ حابارلايدى قازاقپارات ءتىلشىسى.

«ەگەر ادام ساقتاندىرىلماعان بولسا دا، ول مەملەكەت كەپىلدىك بەرگەن تەگىن مەديتسينالىق كومەك الۋعا قۇقىلى. ودان ەشبىر مەديتسينالىق ۇيىم باس تارتپاۋى كەرەك. ءبىز ازاماتتاردىڭ قورعا جازعان شاعىمدارىن وتە مۇقيات قارايمىز»، - دەدى ب. توكەجانوۆ ورتالىق كوممۋنيكاتسيالار قىزمەتىندە.

ونىڭ سوزىنە قاراعاندا، سوزىلمالى اۋرۋ بولسا، ازاماتتار الەۋمەتتىك ءمانى بار دەرتتەر جانە ديناميكالىق باقىلاۋعا جاتاتىن سوزىلمالى اۋرۋلار بويىنشا ەسەپتە تۇرسا، وندا بەيىندى ماماننىڭ قابىلداۋى ت م ك ك ك پاكەتى بويىنشا جۇزەگە اسىرىلادى. قازىر قورعا Qoldau 24/7 قوسىمشاسى جانە الەۋمەتتىك جەلىلەر ارقىلى كەپىلدەندىرىلگەن كومەك كورسەتۋدەن باس تارتقان ەمحانالار تۋرالى شاعىمدار جيىلەپ كەتتى.

«تاعى دا قايتالايمىن، ت م ك ك ك پاكەتىنە كىرەتىن كومەكتى كورسەتۋدەن باس تارتۋعا جول بەرىلمەيدى. سونىمەن قاتار، ساقتاندىرىلعان ازاماتتارعا مەديتسينالىق كومەك قىزمەتتەردىڭ كەڭەيتىلگەن تىزبەسى بويىنشا كورسەتىلەدى»،- دەدى قور باسشىسى.

ءم ا م س پاكەتىندە مەديتسينالىق كورسەتكىشتەر بويىنشا ينفاركت، ينسۋلت، ءتۇرلى جاراقاتتار مەن وپەراتسيالىق ارالاسۋلاردان كەيىن، سونداي- اق بالالاردىڭ سوزىلمالى اۋرۋلارى كەزىندە پاتسيەنتتەر ءۇشىن مەديتسينالىق وڭالتۋ قولجەتىمدى.

«ارينە، بيىل ەلىمىزدىڭ دەنساۋلىق ساقتاۋ جۇيەسى ءۇشىن ۇلكەن سىناق بولدى. پاندەميا مەديتسينالىق ساقتاندىرۋ ەسەبىنەن ۇسىنىلاتىن كونسۋلتاتسيالارعا، دياگنوستيكاعا، وڭالتۋعا قولجەتىمدىلىكتى ارتتىرۋ بويىنشا ءبىزدىڭ جوسپارلارىمىزدى وزگەرتتى. ەمحانالار مەن اۋرۋحانالار ەندى قالىپتى رەجيمگە ورالدى جانە حالىققا جوسپارلى كومەك كورسەتۋدە»، - دەدى توكەجانوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات