سەناتور لۋكين: ەلىمىزدىڭ سورەلەرى ساپاسىز ونىمدەرگە تولىپ تۇر
دەپۋتات كەيبىر قازاقستاندىق ءونىم وندىرۋشىلەر ساپاسى تومەن، پايدالانۋ قاۋىپتى ءونىم شىعاراتىنىن ايتادى. ول ءبىر كومپانيانىڭ تەلەديدارلار وندىرىسىنە «made in kz» سەرتيفيكات العانىمەن ءىس جۇزىندە دايىن تەحنيكانى ساتىپ العانى تۋرالى مىسال كەلتىردى. ايتۋىنشا، «ۇلتتىق اككرەديتتەۋ ورتالىعى» ج ش س مەن اككرەديتتەۋدەگى 46 سۋبەكتىنىڭ تەكسەرۋ قورىتىندىسى بويىنشا ۇيىمدارعا 15 مىڭنان استام زاڭسىز سەرتيفيكات پەن 1700 دەكلاراتسيا بەرگەنى انىقتالعان.
ولاردىڭ نەگىزىندە ەلگە 11 ميلليارد تەڭگەگە جۋىق سوماعا 600 مىڭنان استام تاۋار اكەلىنگەن.
«2019 -جىلى الماتى قالاسىنىڭ «اتامەكەن» وڭىرلىك كاسىپكەرلەر پالاتاسى «LG ەلەكترونيكس الماتى قازاقستان» ا ق- نا 58 مىڭ دانا تەلەديدار دايىنداۋعا «CT- KZ» سەرتيفيكاتىن بەردى. الايدا كومپانيا وڭتۇستىك كورەيادا دايىن بولشەكتەردى ساتىپ الىپ، وتاندىق ءونىم رەتىندە ساتىپ كەلگەن»، - دەيدى دەپۋتات.
سەناتور بۇل سەرتيفيكاتتار وتاندىق كاسىپورىنداردى مەملەكەتتىك قولداۋ قۇرالى رەتىندە اكەلىنەتىن جيناقتاردى كەدەندىك باجدار مەن سالىقتاردى تولەۋدەن بوساتۋعا، مەملەكەتتىك ساتىپ الۋ كەزىندە قوسىمشا پرەفەرەنتسيالار مەن باسىمدىلىققا مۇمكىندىك بەرەتىنىن اتاپ ءوتتى. ال كۇماندى ساپاداعى تاۋارلار تۇتىنۋشىلار مەن جالپى نارىق ءۇشىن ەلەۋلى ءقاۋىپ توندىرەدى.
«بۇگىن دە ىشكى نارىقتىڭ جارتىسى قاۋىپتى، ساپاسىز، ونىڭ ىشىندە سەرتيفيكاتتالماعان ونىممەن تولتىرىلىپ، كۇردەلى جاعداي قالىپتاسۋدا. تالاپقا ساي كەلمەيتىن ونىمدەردى اكەلۋگە جول بەرمەۋ ءۇشىن قازاقستاننىڭ مەملەكەتتىك باقىلاۋ جۇيەسى الدىن الۋ شارالارىن قولدانۋعا مۇمكىندىك بەرمەيدى. احۋالدى جاعدايدى جاقسارتۋ ءۇشىن قاعاز قۇجات اينالىمىن بولدىرماي، سايكەستىكتى راستاۋدىڭ بارلىق پروتسەستەرىن سيفرلاندىرۋ كەرەك. سونداي- اق اككرەديتتەۋ جونىندەگى جۇمىستاردىڭ بارلىق كەزەڭىن، اككرەديتتەۋ، سەرتيفيكاتتاۋ جانە تەحنيكالىق رەتتەۋ ماسەلەلەرى بويىنشا اككرەديتتەۋ سۋبەكتىلەرى مەن وزگە دە مۇددەلى تۇلعالاردىڭ وتىنىشتەرىن ايقىنداۋدى جانە قاداعالاۋدى قامتاماسىز ەتۋگە مۇمكىندىك بەرەتىن ەلەكتروندىق پلاتفورمانى ازىرلەۋ قاجەت»، - دەيدى لۋكين.