+7 (701) 759 90 19
-11 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

دانا نۇرجىگىت بالالارعا جىنىستىق سيپاتتا قىلمىس جاساعاندارعا جازانى كۇشەيتۋدى تالاپ ەتتى

24 قىركۇيەك 12:47
:ءبولىسۋ
دانا نۇرجىگىت بالالارعا جىنىستىق سيپاتتا قىلمىس جاساعاندارعا جازانى كۇشەيتۋدى تالاپ ەتتى

نۇر- سۇلتان. قازاقپارات - سەنات دەپۋتاتى دانا نۇرجىگىت ق ر باس پروكۋرورىنا دەپۋتاتتىق ساۋال جولدادى، دەپ حابارلايدى قازاقپارات ءتىلشىسى.

«حالىقارالىق تاجىريبەنى سارالاپ، قىلمىستىق زاڭناما قولدانىسىن تالداپ، بالالارعا قارسى جىنىستىق سيپاتتا جاسالعان قىلمىستىڭ بارلىق تۇرىنە قاتىستى جازانى قايتا قاراپ، قاتاڭداتۋ بويىنشا ۇسىنىستار ازىرلەۋدى سۇرايمىز»، - دەدى دانا نۇرجىگىت سەنات وتىرىسىنداعى ءوز ساۋالىندا.

سونداي- اق، دەپۋتات مەملەكەت باسشىسىنىڭ وسى ماسەلە بويىنشا بەرگەن تاپسىرماسىنىڭ ورىندالۋ بارىسى تۋرالى اقپارات بەرۋدى سۇراپ، بۇل سالاداعى حالىقارالىق كونۆەنتسيالارعا قوسىلۋ جانە يمپلەمەنتاتسيالاۋ بويىنشا زاڭنامالىق ۇسىنىستار ەنگىزۋ قاجەتتىگىن اتاپ ءوتتى. دەپۋتات كەلتىرگەن ستاتيستيكا بويىنشا، قازاقستاندا كەيىنگى 4 جىلدا وسىنداي قىلمىستار ءۇشىن 1868 ادام كىنالى دەپ تانىلعان. ونىڭ 539 ى عانا 10 جىلعا دەيىنگى مەرزىمگە باس بوستاندىعىنان ايىرىلعان. بيىلدىڭ وزىندە عانا كامەلەتكە تولماعان بالالارعا قارسى جاسالعان قىلمىس 8 پايىزعا وسكەن.

«مۇنى توقتاتۋ ءۇشىن قاتاڭ جازا قىلمىستى جاساعان ادامعا عانا ەمەس، سول قىلمىسقا جول بەرگەن، فاكتىلەردى جاسىرعان، قىلمىسكەردىڭ جالتارۋىنا مۇمكىندىك بەرگەن ازاماتتارعا دا قولدانىلۋى كەرەك دەپ ويلايمىز»، - دەيدى سەنات دەپۋتاتى.

سونداي- اق، د. نۇرجىگىت قازاقستان حالىقارالىق دەڭگەيدە بالالاردى قورعايتىن ەكى ماڭىزدى قۇجاتقا ءالى قول قويماعانىنا نازار اۋداردى. ولار: ءبىرىنشى - بالالار قۇقىقتارى تۋرالى كونۆەنتسيانىڭ ءۇشىنشى فاكۋلتاتيۆتىك حاتتاماسى. ەكىنشى - ەۋروپا وداعىنىڭ بالالاردى سەكسۋالدى ەكسپلۋاتاتسيادان جانە سەكسۋالدى زورلىق زومبىلىقتان قورعاۋ كونۆەنتسياسى.

«بۇل كونۆەنتسياعا قوسىلعان مەملەكەتتەر بالانى جەزوكشەلىككە تارتۋ، ماجبۇرلەۋ نەمەسە سەكس- تاۋار رەتىندە كورىپ، پايدالانۋ، بالالار پورنوگرافياسىن ءوندىرۋ، ۇسىنۋ، تاراتۋ، ساتىپ الۋ، ساقتاۋ ءۇشىن قىلمىستىق جازا قاراستىرۋعا مىندەتتى»، - دەيدى دەپۋتات ساۋالىندا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات