+7 (701) 759 90 19
-10 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

مۇحتار قۇل- مۇحاممەد: ەۋرازيالىق ەكونوميكالىق وداق اياسىندا قازاقستاندىق كاسىپكەرلەردى شەكتەۋ ازايماي تۇر

24 قىركۇيەك 12:31
:ءبولىسۋ
مۇحتار قۇل- مۇحاممەد: ەۋرازيالىق ەكونوميكالىق وداق اياسىندا قازاقستاندىق كاسىپكەرلەردى شەكتەۋ ازايماي تۇر

نۇر- سۇلتان. قازاقپارات - سەناتور مۇحتار قۇل- مۇحاممەد ەۋرازيالىق ەكونوميكالىق وداقتىڭ پروبلەمالارىن كوتەردى.

ونىڭ ايتۋىنشا، قازاقستان تاۋارلارىن رەسەيدىڭ فەدەرالدىق شەنەۋنىكتەرىنىڭ قازاقستاندىق كاسىپكەرلەردى شەكتەۋى ازايماي تۇر، دەپ حابارلايدى قازاقپارات ءتىلشىسى.

«بۇل ءبىزدىڭ ەلباسىنىڭ باستاماسىمەن قۇرىلعان وتە قاجەت ەكونوميكالىق، تاۋارلاردى سىرتقا شىعارۋعا مۇمكىندىك بەرەتىن، ينتەگراتسيانى كۇشەيتەتىن وداق. سويتە تۇرا بۇل وداقتىڭ پروبلەماسى ازايماي وتىر. ءدال وسى زالدا سەنات ءتوراعاسى بولىپ وتىرعان كەزدە قاسىم- جومارت كەمەل ۇلى سىرتقى ىستەر مينيسترلىگىنە بىرنەشە ەسكەرتۋ جاساعان ەدى. اتاپ ايتار بولساق، ونىڭ ىشىندە مىناۋ وداقتاعى ءتۇرلى حاتتامالارعا ءجيى- ءجيى وزگەرىستەر ەنگىزىلە بەرەدى. قاجەتتى بولسا دا، بولماسا دا.. . تۇسىرىلگەن وزگەرىستەر ەكى ەلدىڭ پارلامەنتىنىڭ قوس پالاتاسى قاراپ، ولارعا ءبىز ۇنەمى تولىقتىرۋلار ەنگىزىپ وتىرامىز. سويتە تۇرا قازاقستاننىڭ كورشى ەلدەرگە شىعارىلاتىن تاۋارلارىن سول ەلدەگى فەدەرالدىق شەنەۋنىك دارەجەسىندەگى ادام توقتاتىپ تاستايدى» ، - دەدى سەناتور سەنات وتىرىسىندا.

ونىڭ ايتۋىنشا، ەكى مەملەكەتتىڭ باسشىسى قول قوياتىن بولسا، ەكى ەلدىڭ پارلامەنتى قارايتىن بولسا، ونى ءبىر فەدەرالدىق شەنەۋنىك توقتاتىپ تاستاسا، «مۇنىڭ قانداي زاڭ بولعانى» . بۇل سۇراققا جاۋاپ بەرگەن سىرتقى ىستەر ءمينيسترىنىڭ ورىنباسارى مارات سىزدىقوۆ اتالمىش ماسەلەگە ساۋدا جانە ينتەگراتسيا مينيسترلىگى جاۋاپتى ەكەنىن ايتىپ ءوتتى.

«ولار - ەۋرازيالىق ينتەگراتسيانى جۇرگىزەتىن جەتەكشى ورگان. ءبىز ە ا ە و- نىڭ جۇمىسىنىڭ ساياسيلانىپ كەتپەۋىنە جاۋاپتىمىز. ينتەگراتسيا جانە ەكونوميكالىق وداق ماسەلەسى - ءتىرى پروتسەسس. كەيبىر ماسەلەلەردى الدىن الا ءبىلۋ مۇمكىن ەمەس. جۇمىس جانە كەلىسسوز بارىسىندا قاشان دا جاڭا جاعدايلار پايدا بولىپ، زاڭعا قانداي دا ءبىر وزگەرىستەردى ەنگىزۋدى تالاپ ەتىپ جاتادى»، - دەدى ول.

ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات