قۇس تۇماۋى: قوستاناي وبلىسىنىڭ ءۇش اۋىلى كارانتينگە جابىلدى
«سارىكول اۋدانىنىڭ ماياك اۋىلى، ۇزىنكول اۋدانىنىڭ سوكول جانە مەڭدىقارا اۋدانىنىڭ كراسنايا پرەسنيا اۋىلدارى 21 كۇنگە كارانتينگە جابىلدى. بۇل اۋىلداردا قۇس تۇماۋى تىركەلدى. بارلىعى 400 گە جۋىق قۇس قىرىلىپ قالدى. ولگەن قۇستاردىڭ ءبارى ارنايى ورىنداردا ورتەلەدى. قازىر ماماندار ءتيىستى شارالار جۇرگىزىپ جاتىر. ءىرى قۇس فابريكالارىنداعى جاعداي بويىنشا رەسمي حابار بەرەمىز»، - دەيدى باسقارما باسشىسى.
جالپى، وبلىستا جوعارى پاتوگەندى قۇس تۇماۋىنا قارسى 21 مىڭ دانا ۆاكتسينا الىنعان. ەگۋ جۇمىستارى باستالىپ كەتتى. بىزگە بەلگىلى مالىمەت بويىنشا ارقالىق قۇس فابريكاسىندا دا جۇزدەگەن تاۋىق ورتەلگەن. قازىر وڭىردە ارنايى كوميسسيا جۇمىس ىستەپ جاتىر. ارقالىق قالاسىنىڭ اكىمى قايرات ابىشيەۆتىڭ ايتۋىنشا، ماماندار اۋماقتاعى وزەن- كولدەردىڭ اينالاسىن دا تەكسەرىپ شىققان.