+7 (701) 759 90 19
-10 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

ۇلتتىق بانك التىننىڭ نەلىكتەن ارزانداپ جاتقانىن ءتۇسىندىردى

24 قىركۇيەك 11:27
:ءبولىسۋ
ۇلتتىق بانك التىننىڭ نەلىكتەن ارزانداپ جاتقانىن ءتۇسىندىردى

نۇر- سۇلتان. قازاقپارات - ۇلتتىق بانكتىڭ مونەتارلىق وپەراتسيا دەپارتامەنتىنىڭ ديرەكتورى نۇرجان تۇرسىنحانوۆ التىن نارىعىنداعى جاعدايدى ءتۇسىندىردى، دەپ حابارلايدى قازاقپارات ءتىلشىسى.

كەيىنگى ەكى ايدا ءبىرىنشى رەت التىننىڭ باعاسى تروي ۋنتسياسىنا 1900 دوللاردان تومەن ءتۇسىپ كەتتى. ۇلتتىق بانكتىڭ مونەتارلىق وپەراتسيا دەپارتامەنتىنىڭ ديرەكتورى نۇرجان تۇرسىنحانوۆ سارى مەتالل نارىعىنداعى جاعدايدى ءتۇسىندىرىپ، بۇل جاعداي ۇلتتىق بانكتىڭ رەزەرۆىنە قالاي اسەر ەتەتىنىن ايتىپ ءوتتى.

«23 -قىركۇيەكتە التىننىڭ باعاسى تروي ۋنتسياسىنا 1865 دوللار دەڭگەيىنەن تومەن ءتۇسىپ كەتتى. بۇل - قىركۇيەكتىڭ باسىنداعى باعاعا قاراعاندا 100 دوللارعا نەمەسە 5 پايىزعا از. ا ق ش تاراپىنداعى وڭ ەكونوميكالىق مالىمەتتەر، ەۋرووداق پەن ۇلى بريتانيا ەلدەرىندەگى كوروناۆيرۋس جۇقتىرعان ازاماتتار كوبەيەدى- اۋ دەگەن ۇرەي، سونىمەن بىرگە چيكاگو فەدەرالدىق رەزەرۆ بانكى باسشىسىنىڭ ا ق ش- تا ينفلياتسيا 2 پايىزدىق ورتاشا دەڭگەيگە جەتكەنشە ستاۆكانى كوتەرۋ تۋرالى پىكىرى - دوللاردىڭ يندەكسىن سەگىز اپتالىق ماكسيمۋمعا يتەرمەلەدى. ا ق ش- تا دوللاردىڭ كۇشەيۋى الەم نارىقتارىندا التىننىڭ تارتىمدىلىعىن تومەندەتتى. التىننىڭ باعاسى وسى جىلدىڭ شىلدە ايىنان بەرگى مينيمۋمدى كورسەتىپ تۇر»، - دەيدى ول.

ونىڭ ايتۋىنشا، COVID-19 جاھاندىق پاندەمياسى مەن دامىعان ەلدەردىڭ ورتالىق بانكتەرىنىڭ وعان جاۋاپ رەتىندەگى مونەتارلىق ساياساتى بيىل التىننىڭ باعاسىنا ەداۋىر اسەر ەتكەن. ال التىننىڭ باعاسى تامىز ايىندا تاريحي ماكسيمۋمدى كورسەتىپ، جىل باسىنان بەرى 36 پايىزعا قىمباتتاعان. قازىرگى باعانىڭ كوررەكتسياسىنا قاراماستان التىن ينۆەستيتسيالىق اكتيۆ رەتىندە جىل باسىنان بەرى 24 پايىزدىق ءوسىمدى كورسەتىپ، كوش باستاپ تۇر.

«التىن باعاسىنىڭ كەيىنگى كۇندەردەگى الا- قۇلالىعى ايدىڭ قورىتىندىسى بويىنشا ۇلتتىق بانكتىڭ التىن ۆاليۋتا رەزەرۆىنىڭ قايتا باعالانۋىنا اسەر ەتۋى مۇمكىن»، - دەدى نۇرجان تۇرسىنحانوۆ.

قازىرگى ۋاقىتتا COVID-19 ىندەتىنىڭ ەكىنشى تولقىنىنىڭ قاۋپى ساقتالىپ تۇر. ا ق ش پەن قىتاي اراسىنداعى ساياسي تەكەتىرەس، ا ق ش- تا سايلاۋدىڭ جاقىنداۋى - باعانىڭ تۋربۋلەنتتىگىنە اكەلۋى ىقتيمال. التىن ءداستۇرلى تۇردە ستراتەگيالىق ينۆەستيتسيا بولىپ قالا بەرەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات