گولوۆكين - شەرەمەتا جەكپە-جەگى قايدا، قاشان وتەتىنى بەلگىلى بولدى

نۇر-سۇلتان. قازاقپارات - IBF/IBO تۇجىرىمدامالارى بويىنشا ورتا سالماقتاعى الەمس چەمپيونى قازاقستاندىق بوكسشى گەننادي گولوۆكين (40-1-1، 35 ك و) كەلەسى جەكپە-جەگىندە مىندەتتى ۇمىتكەر، پولشا بوكسشىسى كاميل شەرەمەتامەن كەزدەسەدى، دەپ حابارلايدى قازاقپارات Sports.kz سايتىنا سىلتەمە جاساپ.

The Athletic ينسايدەرى مايك كوپپيندجەر ايقاستىڭ 21- قاراشادا ا ق ش- تا بولاتىنىن حابارلاعان.

ونىڭ ارىپتەسى لەنس پاگماير جەكپە-جەكتىڭ كاليفورنيا شتاتىنداعى كارسوندا، Dignity Health Sports Park ارەناسىندا وتەتىنى بولجانىپ وتىرعانىن ناقتىلادى.

اتاپ وتسەك، گەننادي بۇرىن StubHub Center دەپ اتالعان بۇل الاڭدا جۇدىرىقتاسقان بولاتىن.

قازىرگى كەزدە GGG سول شتاتتىڭ بيگ بەار دەگەن جەرىندە دايىندىق جۇرگىزۋدە، ال شەرەمەتا ءوز وتانىندا جاتتىعىپ جاتىر.