كوروناۆيرۋس: ناۋقاس قانداي جاعدايدا اۋرۋحاناعا جاتقىزىلادى؟

نۇر-سۇلتان. قازاقپارات - coronavirus2020.kz سايتىندا COVID-19 اۋرۋىنىڭ قانداي بەلگىلەرى پايدا بولعان كەزدە ناۋقاس شۇعىل اۋرۋحاناعا جاتقىزىلاتىنى ءتۇسىندىرىلدى، دەپ حابارلايدى قازاقپارات ءتىلشىسى.

«ەگەر تەمپەراتۋرا 3-5 كۇننەن ارتىق ساقتالسا نەمەسە قىسقا مەرزىمدى قالىپقا تۇسكەننەن كەيىن قايتا كوتەرىلسە، سونداي-اق جوتەل پايدا بولعاندا نەمەسە كۇشەيگەندە، بۇل تۋرالى جەرگىلىكتى دارىگەرگە حابارلاۋ كەرەك»، - دەلىنگەن اقپاراتتا.

ەگەر سىرقاتتىڭ اۋىر بەلگىلەرى پايدا بولسا، جەدەل جاردەم شاقىرۋ قاجەت.

تومەندەگى سيمپتومدار اۋرۋحاناعا شۇعىل جاتقىزۋدىڭ كريتەريلەرى بولىپ سانالادى:

- تىنىس الۋ جيىلىگى مينۋتىنا 24 تەن جوعارى؛

- ساتۋراتسيا 95 پايىزدان از؛

- ەنتىگۋدىڭ ءورشۋى؛

- قان قىسىمىنىڭ تومەندەۋ تەندەنتسياسى.