قازاقستاندا كورەي كينوسىنىڭ ونلاين اپتالىعى باستالدى

نۇر-سۇلتان. قازاقپارات - نۇر-سۇلتان قالاسىنداعى كورەي مادەني ورتالىعى كورەي فيلمدەرىنىڭ ونلاين اپتالىعىن باستادى، دەپ حابارلايدى قازاقپارات.

اپتالىق اياسىندا قازاقستاندىقتار كورەي مادەني ورتالىعىنىڭ سايتىنان كورەي فيلمدەرىن تەگىن تاماشالاي الادى.

العاشقى فيلم رەتىندە 23-27- قىركۇيەك كۇندەرى كورەرمەن نازارىنا «پوەزد ۆ پۋسان» تريللەرى ورىسشا سۋبتيترمەن ۇسىنىلادى.

2016-جىلى جارىق كورگەن ەكى ساعاتتىق فيلمدە جۇمباق ۆيرۋستىڭ ورشۋىنەن قاشقان تۇرعىنداردىڭ پۋسان قالاسىنا ساپارى باياندالادى. سونىمەن بىرگە، 30- قىركۇيەك پەن 4- قازان كۇندەرى اتالعان سايتتا «دەفولت» دراماسى كورسەتىلەدى.

مۇندا 1997-جىلعى وڭتۇستىك كورەيا ۇكىمەتىنىڭ قالاي داعدارىسقا ۇشىراعانى كورسەتىلەدى.