09:59, 24 - قىركۇيەك 2020 | GMT +6
قوستاناي تۇرعىنى قازاقستان حالقىنىڭ نامىسىنا تيەتىن ۆيدەو ءۇشىن سوتتالۋى مۇمكىن
قوستاناي. قازاقپارات - قوستاناي وبلىسىندا ۇلتارالىق ارازدىقتى قوزدىرعان رۋدنىي تۇرعىنىنا قاتىستى قىلمىستىق ءىس قوزعالدى، دەپ حابارلايدى قازاقپارات.
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، الەۋمەتتىك جەلى ارقىلى تاراعان ۆيدەو تەكسەرىلىپ جاتىر.
رۋدنىي تۇرعىنى ۋكراينالىق بلوگەرمەن بولعان اڭگىمە بارىسىندا قازاقستان رەسپۋبليكاسىنىڭ مەملەكەتتىك ءتىلىن، جەرىن قورلاپ، قازاق حالقىنىڭ ار-نامىسىنا تيەتىن سوزدەر ايتقان.
كەيىنىرەك الەۋمەتتىك جەلىدە ونىڭ اتى-ءجونى مەن مەكەنجايى تۋرالى مالىمەت تاراپ كەتتى.
«الەۋمەتتىك جەلىگە مونيتورينگ جۇرگىزۋ بارىسىندا پوليتسەيلەر YouTube ارناسىنان اتالمىش ۆيدەونى انىقتاپ، شۇعىل تەكسەرىس جۇرگىزدى. قازىر كۇدىكتىنىڭ تۇلعاسى انىقتالىپ، تەرگەۋ شارالارى باستالدى. كۇدىكتى 7 جىلعا دەيىن باس بوستاندىعىنان ايىرىلۋى مۇمكىن»، - دەپ مالىمدەدى قوستاناي وبلىسىنىڭ پوليتسيا دەپارتامەنتى.
ايتا كەتەيىك، كۇدىكتى كوپ ۇزاماي ۆيدەو ارقىلى كەشىرىم سۇرادى.