+7 (701) 759 90 19
3 °С : نۇر-سۇلتان
15 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستان بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋدى ۇسىنادى

23 قىركۇيەك 22:41
:ءبولىسۋ
قازاقستان بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋدى ۇسىنادى

نۇر-سۇلتان. قازاقپارات - ب ۇ ۇ باس اسسامبلەياسى 75-سەسسياسىنىڭ جالپى ساياسي دەباتتارىندا ءسوز سويلەگەن ق ر پرەزيدەنتى قاسىم-جومارت توقايەۆ بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى ايتتى، دەپ حابارلايدى قازاقپارات ءتىلشىسى.

«دۇنيەجۇزىلىك دەنساۋلىق ساقتاۋ ۇيىمىنىڭ، سونداي-اق، پاندەميانىڭ الدىن الۋ جانە وعان قارسى كۇرەس سالاسىندا جەكەلەگەن مەملەكەتتەردىڭ الەۋەتىن ارتتىرۋ ماقساتىندا حالىقارالىق مەديتسينالىق-سانيتارلىق ەرەجەلەردى قايتا قاراۋ قاجەتتىگى تۋىنداۋى مۇمكىن. ءبىز ب ۇ ۇ اياسىندا اۋرۋلار مەن بيولوگيالىق قاۋىپسىزدىكتى باقىلاۋ جونىندەگى وڭىرلىك ورتالىقتار جەلىسىن قۇرۋ يدەياسىن مۇقيات زەرتتەۋدى ۇسىنامىز»، - دەدى مەملەكەت باسشىسى.

قاسىم-جومارت توقايەۆ قازاقستان مۇنداي ورتالىقتىڭ ءبىرىن ءوز اۋماعىندا ورنالاستىرۋعا دايىن ەكەندىگىن باسا ايتتى.

«سوڭعى ءارى اسا ماڭىزدى ماسەلە: الەمدى جاۋلاعان جاھاندىق پاندەمياعا بايلانىستى بيولوگيالىق قارۋدى باقىلاۋ جۇيەسىن ازىرلەۋ جانە ىسكە قوسۋ ماسەلەسى بۇرىنعىدان دا وزەكتى بولىپ وتىر. قازاقستان ب ۇ ۇ قاۋىپسىزدىك كەڭەسىنىڭ الدىندا ەسەپ بەرەتىن ارنايى كوپجاقتى ورگان - بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋدى ۇسىنادى. بۇل ورگاننىڭ قىزمەتى باكتەريولوگيالىق (بيولوگيالىق) جانە ۋلى قارۋدىڭ مول قورىن دايىنداۋعا، وندىرۋگە تىيىم سالۋ جانە ولاردى جويۋ تۋرالى 1972-جىلعى كونۆەنتسياعا نەگىزدەلەدى»، - دەدى ق ر پرەزيدەنتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات