كوروناۆيرۋسقا قارسى ۆاكتسينا ازىرلەۋدى ساياسيلاندىرۋعا جول بەرمەۋ كەرەك - توقايەۆ
بۇل تۋرالى ب ۇ ۇ باس اسسامبلەياسى 75-سەسسياسىنىڭ جالپى ساياسي دەباتتارىندا ءسوز سويلەگەن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«كوروناۆيرۋس ىندەتى جاپپاي تارالا باستاعاننان كەيىن ب ۇ ۇ- نىڭ ءتۇرلى قورلارى مەن باعدارلامالارى داعدارىسقا قارسى تۇرۋ ءۇشىن دەرەۋ جۇمىلدىرىلدى. الايدا، حالىقارالىق قوعامداستىق اتالعان باعىتتا بۇدان دا كوپ شارا قابىلداۋى كەرەك»، - دەدى ق ر پرەزيدەنتى.
مەملەكەت باسشىسى دەنساۋلىق ساقتاۋ ءىسىنىڭ قۋاتتى جاھاندىق جۇيەسىن قۇرۋ ماقساتىندا دامىعان ەلدەر مەن ب ۇ ۇ اگەنتتىكتەرىنىڭ ۋاقىتىلى جانە ۇيلەسىمدى قولداۋى ارقىلى دامۋشى ەلدەردىڭ مەديتسينالىق مەكەمەلەرىندەگى ۇلتتىق ينستيتۋتتاردى جاڭعىرتۋعا باسىمدىق بەرۋ قاجەتتىگىن باسا ايتتى.
«COVID-19 ىندەتىنە قارسى ۆاكتسينا ازىرلەۋ ماسەلەسىن ساياسيلاندىرۋعا جول بەرمەۋ كەرەك. اتالعان ماڭىزدى ماسەلەدە ينۆەستيتسيا جانە ساۋدا جونىندەگى جان-جاقتى حالىقارالىق كەلىسىمگە قول جەتكىزۋ قاجەت. بۇل جاھاندىق دەڭگەيدەگى ۆاكتسينا وندىرىسىنە جانە ونى جەتكىزۋ بارىسىندا لوگيستيكالىق تاسىمالدىڭ تيىمدىلىگىنە سەپتىگىن تيگىزەدى»، - دەدى قاسىم-جومارت توقايەۆ.