+7 (701) 759 90 19
1 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

قازاقستاننىڭ ورمان قورى قانداي

23 قىركۇيەك 18:39
:ءبولىسۋ
قازاقستاننىڭ ورمان قورى قانداي

نۇر- سۇلتان. قازاقپارات - ەلىمىزدەگى ورمان قورىنىڭ كولەمى مەن قوردى ودان ءارى جەتىلدىرۋ شارالارىنىڭ قالاي جۇزەگە اسىرىلاتىندىعى تۋرالى ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ەرلان نىسانبايەۆ ايتىپ بەردى، دەپ حابارلايدى قازاقپارات ءتىلشىسى.

«بۇگىندە بارلىق وبلىستار بويىنشا قانشا ورمان قورى بارى بەلگىلى. ياعني، ءار وبلىس بويىنشا ورمان القابىنىڭ كولەمى بار. مىسالى، اقمولا وبلىسىندا - 55 مىڭ گ ا ورمان القابى، اقتوبەدە - 64 مىڭ گ ا، ش ق و- دا - 374 مىڭ گ ا، ب ق و- دا - 65,9 مىڭ گ ا، قوستانايدا - 52 مىڭ گ ا، قاراعاندىدا - 26 مىڭ گ ا، پاۆلوداردا - 87 مىڭ گ ا جانە جامبىل وبلىسىندا 1 ميلليون گ ا جۋىق ورمان القابى بار. قازىرگى ۋاقىتتا ءار وبلىس اكىمدىگىمەن وسى اعاش ەگۋ پروتسەسىنە قاتىستى جەكە- جەكە ەسەپ- قيساپ جۇرگىزىپ جاتىرمىز. وزدەرىڭىز بىلەتىندەي، مەملەكەت باسشىسىنىڭ تاپسىرماسىنا سايكەس ءبىز 2025 -جىلعا دەيىن ەل كولەمىندە 2 ميلليارد ءتۇپ تال ەگۋىمىز كەرەك»، - دەدى ە. نىسانبايەۆ.

مينيستر ورىنباسارىنىڭ سوزىنە سەنسەك، ەلىمىزدە اعاش وتىرعىزۋ، كۇتۋ جانە ونى جەتىلدىرۋمەن اينالىساتىن ارنايى عىلىمي ورتالىقتار بار.

«اتالعان عىلىمي مەكەمەلەردىڭ وزىندىك زەرتتەۋ اۋماقتارى بار. وندا اعاشتىڭ بىرنەشە ءتۇرى وتىرعىزىلىپ، ونى ەلىمىزدىڭ قاي وڭىرىندە وسىرۋگە بولاتىنى انىقتالادى. بىزدە ەگىلەتىن اعاشتار - 2 جىلدىق كوشەت. ول كوشەتتىڭ ۇزىندىعى - 7-10 س م. سونداي- اق، عىلىمي تاجىريبە بويىنشا ءبىز اعاشتاردى ءجيى اراقاشىقتىقتا ەگەتىن بولامىز. ونىڭ سەبەبى - ءار اعاشتىڭ ءوزىنىڭ تابيعي ءوسۋ پروتسەسى بار. سونىمەن قاتار، اعاش ەكولوگيالىق جاعدايدى جاقسارتۋ ماقساتىنان بولەك، تۇرمىستا قولدانۋعا، ياعني قۋراعان نەمەسە سىنىپ، سولىپ قالعان اعاشتاردى پايداعا جاراتۋعا دا قاجەت. جانە قۇرىلىس سالاسىندا قولدانىلاتىن اعاشتار بار»، - دەيدى ول.

ايتا كەتەيىك، بۇعان دەيىن ۆيتسە- مينيستر ە. نىسانبايەۆ ەل كولەمىندە جىل سايىن 372 ميلليون ءتۇپ تال وتىرعىزىلاتىنىن ءمالىم ەتكەن بولاتىن.

اۆتور: ءالي يبرايەۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات