قازاقستاندا تىركەلگەن ۇشاقتار ليۆياعا قارۋ-جاراق تاسىمالداعان
بيىلعى اقپان ايىندا ب ۇ ۇ قاۋىپسىزدىك كەڭەسى قازاقستاندا تىركەلگەن اۋە كەمەلەرىمەن ليۆياعا قارۋ جەتكىزۋ ەمبارگوسىنا قاتىستى ب ۇ ۇ قاۋىپسىزدىك كەڭەسى سانكسيالارىنىڭ بۇزىلۋى بويىنشا حات جولدادى.
«قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى قۇقىق قورعاۋ ورگاندارىمەن بىرلەسىپ، ب ۇ ۇ ق ك ەمبارگوسىن بۇزعان قازاقستاندا تىركەلگەن ءۇش اۋە كومپانياسىمەن جۇمىس جۇرگىزدى.
ولار - «Azee Air» ج ش س، «Sigma Airlines» ج ش س جانە «Jenis Air» ج ش س. وسى پايدالانۋشىلاردىڭ اۋە كەمەلەرىنىڭ مەنشىك يەلەرى - بىرىككەن اراب امىرلىكتەرىندە («AGANYA LTD») جانە بريتاندىق ۆيرگين ارالدارىندا («Infinitive Seal Inc .») تىركەلگەن شەتەلدىك كومپانيالار. اتالعان پايدالانۋشىلاردىڭ اۋە كەمەلەرى تاياۋ شىعىس ايماعىندا شەتەلدىك تاپسىرىس بەرۋشىلەردىڭ مۇددەسى ءۇشىن پايدالانىلعان. اۋە كەمەلەرىنىڭ نەگىزگى بازاسى - بىرىككەن اراب امىرلىكتەرى» دەپ حابارلادى كوميتەتتەن.
ب ۇ ۇ قاۋىپسىزدىك كەڭەسىنىڭ سانكسياسى بار ەلدەرگە رەيستەر ءۇشىنشى ەلدەردىڭ اۋماعىنان جۇزەگە اسىرىلدى. حالىقارالىق پراكتيكاعا سايكەس، شەتەلدە قالىپتاسقان تاسىمالداناتىن جۇكتىڭ سيپاتىن پايدالانۋشى مەملەكەت، ياعني قازاقستان تاراپى باقىلامايدى، كەرىسىنشە ۇشۋدى جۇزەگە اسىراتىن شەت مەملەكەتتەردىڭ مەملەكەتتىك ورگاندارى باقىلايدى.
«قازاقستان رەسپۋبليكاسى زاڭناماسىنىڭ، يكاو ستاندارتتارى مەن ۇسىنىلاتىن پراكتيكاسىنىڭ تالاپتارىن ساقتاۋ تۇرعىسىنان تەكسەرۋ ناتيجەلەرى بويىنشا قازاقستان اۆياتسيا اكىمشىلىگى باس ديرەكتورىنىڭ 2020 -جىلعى 29 -مامىرداعى №167/1 -بۇيرىعىنا سايكەس، ازاماتتىق اۋە كەمەلەرىنىڭ اتالعان ءۇش اۋە كومپانيانىڭ پايدالانۋشىسى سەرتيفيكاتىن، ونىڭ ىشىندە «Sigma Airlines» ج ش س پايدالانۋشى سەرتيفيكاتىنىڭ قولدانۋى ۋاقىتشا توقتاتىلدى.
قازاقستان رەسپۋبليكاسىنىڭ سىرتقى ىستەر مينيسترلىگى 2020 -جىلعى 5 -ماۋسىمدا ب ۇ ۇ قاۋىپسىزدىك كەڭەسىنىڭ ليۆيا جونىندەگى كوميتەتىنىڭ جەتكىزىلىمگە ەمبارگوسىنىڭ بۇزىلۋىنا قاتىستى بايانداماسىن ۇسىندى. ب ۇ ۇ قاۋىپسىزدىك كەڭەسىنىڭ بايانداماسىندا تەرگەۋ بارىسىنداعى قازاقستاندىق بيلىك پەن قازاقستاننىڭ اۆياتسيا اكىمشىلىگىنىڭ اشىقتىعى مەن ىنتىماقتاستىعى ءۇشىن ب ۇ ۇ ساراپشىلار توبىنىڭ العىسى اتاپ ءوتىلدى» دەلىنگەن حابارلامادا.
ەلىمىزدىڭ يميدجىن قاقتىعىس ايماقتارىنا نەمەسە ب ۇ ۇ قاۋىپسىزدىك كەڭەسىنىڭ سانكتسياسىنداعى ەلدەرگە قارۋ- جاراق پەن اسكەري تەحنيكا جەتكىزۋدىڭ «اشىق ەمەس سحەمالارىنا» تارتىلعان جوسىقسىز شەتەلدىك اۋە كومپانيالاردىڭ ارەكەتتەرىنەن ساقتاۋ ماقساتىندا جۇك تاسىمالداۋعا جانە ولاردى كەيىننەن باقىلاۋعا ارنالعان اۋە كەمەلەرىن تىركەۋ ءۇشىن قوسىمشا شارتتار ازىرلەندى، ولار قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى ق ر زاڭىنا وزگەرىستەر ەنگىزۋ تۋرالى زاڭ جوباسىنا ەنگىزىلدى.
اتالعان نورمالار 2020 -جىلدىڭ سوڭىنا دەيىن ەكونوميكالىق ءوسۋدى قالپىنا كەلتىرۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى زاڭ جوباسىنىڭ اياسىندا قابىلدانادى دەپ كۇتىلۋدە. وسى باعىتتاعى جۇمىستار جالعاسىپ جاتىر.