+7 (701) 759 90 19
-3 °С : نۇر-سۇلتان
5 °С : الماتى
USD 432.64 EUR 505.02
RUB 5.47 CNY 64.7
جاڭالىقتار

سىرلى ويۋلار: پەتروپاۆلدا قازاقتىڭ توقىما ونەرىنە ارنالعان كورمە ءوتىپ جاتىر

23 قىركۇيەك 13:44
:ءبولىسۋ
سىرلى ويۋلار: پەتروپاۆلدا قازاقتىڭ توقىما ونەرىنە ارنالعان كورمە ءوتىپ جاتىر

پەتروپاۆل. قازاقپارات - پەتروپاۆلداعى «ابىلاي حان رەزيدەنسياسى» مۋزەي كەشەنىندە «سىرلى ويۋلار» اتتى قازاقتىڭ الاشا- كىلەم توقۋ ونەرىنە ارنالعان كورمە ءوتىپ جاتىر، دەپ حابارلايدى قازاقپارات ءتىلشىسى.

كورمەگە قويىلعان الاشا- كىلەمدەردىڭ بارلىعى - ابىلاي حان رەزيدەنسياسىنا سىيعا بەرىلگەن. ونىڭ ءبىرىن «مۇراجايعا سىي» اكسياسى بارىسىندا ءوڭىر تۇرعىندارى تارتۋ ەتسە، ەندى ءبىرى 2003-2005 -جىلدار ارالىعىندا ەكسپوزيتسيانى قۇراردا ەلىمىزدىڭ ءار وڭىرىنەن اكەلىنگەن ەكەن. قازىر مۇراجاي قورىندا وسىنداي 30 شاقتى كىلەم- الاشا بولسا، سونىڭ 20 سى كورەرمەن نازارىنا ۇسىنىلدى. «سىرلى ويۋلار» اتتى كورمەنىڭ ماقساتى - ۇلتتىق ونەردى دارىپتەپ، كونەنىڭ كوزىن ۇرپاقتان- ۇرپاققا مۇرا ەتۋ.


«الاشا توقۋدىڭ بىرنەشە ءادىسى بار. سونىڭ ءبىرى - تەرمە الاشا. ەدەنگە توسەلەتىن الاشاعا ءجىپتى جۋانداۋ ەتىپ ءيىرۋ قاجەت. تەرمەنى 45,25,35 جىپتەردەن تەرەدى. كوتەرمە اعاش، سۇيرەتپە اعاش دەگەن بولادى. تەرۋ اعاشى بولادى. نەگىزى تۇك قيىندىعى جوق، ۇيرەنۋگە بولادى. الاشاعا قانداي ورنەك سالاسىڭ، سول بويىنشا ءجىپتى قوسىپ، تەرىپ ساناپ وتىرادى»، - دەيدى توقىما ونەرىن جاڭعىرتىپ جۇرگەن پەتروپاۆل تۇرعىنى گۇلىماي دارحان قىزى.

مۋزەي قىزمەتكەرلەرىنىڭ ايتۋىنشا، قىزىلجار وڭىرىندە كىلەم- الاشا توقۋ ونەرى ۇمىت قالسا، ەلىمىزدىڭ وڭتۇستىگى، اسىرەسە، قىزىلوردا وڭىرىندە ول جاقسى دامىعان.


«كەزىندە توقىما بۇيىمداردىڭ سانى وتباسىنىڭ الەۋمەتتىك جاعدايىن، ولاردىڭ ەڭبەكقورلىعىن، شەبەرلىگىن كورسەتكەن. كىلەمدەر قىز جاساۋىنىڭ نەگىزگى بولىگى بولىپ سانالدى. كىلەمدى سىيلى قوناقتارعا جانە مەرەيتويلارعا سىيلاعان. سونىمەن قاتار كىلەم اقشانىڭ ورنىن باساتىن تولەم رەتىندە دە جۇرگەن. كىلەممەن كيىز ءۇيدىڭ كەرەگەسىن قاپتاپ، اشەكەيلەگەن، جەرگە توسەگەن. ادامدى سوڭعى ساپارىنا كىلەمگە وراپ شىعارىپ سالعان. ءامينا نۇرقانوۆا دەگەن 93 جاستاعى كەيۋانا بىزگە كىلەم سىيلادى. ول 1970 -جىلى قىزى كۇيەۋگە شىعاردا جاساۋعا ارنايى كىلەم توقىعان ەكەن. تۇكسىز كىلەمنىڭ ۇستىنە اقتوتى دەپ جازعان. وتە ادەمى توقىلعان كىلەمدى بىزگە اجەيدىڭ قىزى سىيعا تارتتى»، - دەيدى «ابىلاي حان رەزيدەنسياسى» مۋزەي كەشەنى ديرەكتورىنىڭ ورىنباسارى اسەمگۇل قىدبەكوۆا.


كورمەگە تۇكتى جانە تاقىر كىلەم، ءتۇرلى الاشادان بولەك توقىما قۇرالدارى دا قويىلعان. «كورمەگە قويىلعان كىلەم- الاشالاردىڭ بارلىعى قولمەن توقىلعان. ءوڭى كەتپەۋ ءۇشىن، كۇيە جەمەۋ ءۇشىن توقىما بۇيىمدارعا كۇتىم كەرەك. سول ءۇشىن جازدا، ىستىقتا 4-5 كۇندەي كۇن استىنا جايىپ الامىز. قىستا دا ءدال سولاي قاتتى ايازداردا دالاعا شىعارىپ، سۋىقتا 3-4 كۇندەي ۇستايمىز. بۇدان بولەك اراسىنا قالامپىر سەبەمىز. حالقىمىزدىڭ ونەرىن پاش ەتەتىن بۇل بۇيىمداردىڭ ءارقايسى ءبىز ءۇشىن قۇندى»، - دەيدى اسەمگۇل قىدبەكوۆا.


اۆتور: اقەركە داۋرەنبەك قىزى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات