+7 (701) 759 90 19
-10 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

الدەقاشان ساتىلىپ كەتكەن كولىكتى جاڭا قوجايىنى تىركەمەسە، ونىڭ سالىعىن بۇرىنعى يەسى تولەيدى

23 قىركۇيەك 11:18
:ءبولىسۋ
الدەقاشان ساتىلىپ كەتكەن كولىكتى جاڭا قوجايىنى تىركەمەسە، ونىڭ سالىعىن بۇرىنعى يەسى تولەيدى

نۇر- سۇلتان. قازاقپارات - كەلىپ تۇسكەن شاعىمداردىڭ تالداۋى كورسەتكەندەي، ازاماتتار ساتقان كولىك قۇرالدارى كوبىنە ۋاكىلەتتى ورگاننىڭ تىركەۋ ەسەبىنەن شىعارىلماعان نەمەسە قايتا راسىمدەلمەگەن.

بۇل رەتتە اتالعان كولىك قۇرالىنا سالىق تولەۋ مىندەتى سالىق زاڭناماسى بويىنشا وسى ازاماتتاردا قالادى، دەپ حابارلايدى قازاقپارات مەملەكەتتىك كىرىستەر كوميتەتىنە سىلتەمە جاساپ.

سالىقتىق مىندەتتەمە بويىنشا اقپاراتتى تۇزەتۋگە جىبەرىلگەن 1507 ءوتىنىمنىڭ 1282 ءسى - بيىل ساتىلعان كولىكتەر بويىنشا. بۇل 86 پايىزدى قۇراپ وتىر. سالىق ورگاندارى 2019 -جىل جانە وتكەن جىلدار ءۇشىن بەرەشەك تۋرالى حابارلامالاردى تاراتتى. الايدا، 2020 -جىل ءۇشىن حابارلاما ءالى تارالعان جوق. قالعان 225 شاعىمدا كولىك قۇرالدارى سەنىمحات بويىنشا ساتىلعان. ايتا كەتۋ كەرەك، جەكە تۇلعالار سالىق كەزەڭى ءۇشىن سالىق سوماسىن دەربەس ەسەپتەيدى جانە سالىقتى سالىق كەزەڭىنىڭ 31 جەلتوقسانىنان كەشىكتىرمەي تولەيدى. كولىك قۇرالدارىنا سالىقتى دەربەس ەسەپتەۋ ءۇشىن مەملەكەتتىك كىرىسىتەر ورگاندارىنىڭ پورتالىندا ىڭعايلى جانە پايدالانۋعا وڭاي «سالىق كالكۋلياتورى» ارنايى سەرۆيسى بار.

سالىق ورگاندارى سالىق زاڭناماسىنىڭ نورمالارىنا سايكەس كولىك قۇرالدارىنا سالىقتى 2019 -جىل ءۇشىن 2020 -جىلى، 2020 -جىل ءۇشىن 2021 -جىلى ۋاكىلەتتى ورگاننىڭ مالىمەتتەرى نەگىزىندە ەسەپتەيدى. بۇل رەتتە اعىمداعى جىلدىڭ ناۋرىز ايىندا ەلىمىزدە قالىپتاسقان ەپيدەميولوگيالىق جاعدايعا بايلانىستى سالىق ورگاندارىندا ازاماتتاردىڭ جاپپاي جينالۋىن بولدىرماۋ ءۇشىن سالىق بەرەشەگىن ءوندىرىپ الۋ شارالارى توقتاتىلدى. قازىرگى ۋاقىتتا ەلدەگى جاعدايدىڭ تۇراقتانۋىنا جانە كارانتين رەجيمىنىڭ جەڭىلدەتىلۋىنە بايلانىستى سالىق ورگاندارى 2019 -جىلعا جانە وتكەن كەزەڭدەرگە، ونىڭ ىشىندە 2020 -جىلى ساتىلعان كولىك قۇرالدارى بويىنشا، سالىق بەرەشەگى تۋرالى حابارلامانى ازاماتتارعا جاپپاي تاراتۋ جۇرگىزىلدى. وسىعان بايلانىستى، كولىك قۇرالدارىن 2019 -جىلعا جانە وتكەن كەزەڭدەرگە سالىق بەرەشەگىن تولەمەي ساتقان يەلەرىنە سالىق بەرەشەگى تۋرالى حابارلاما جىبەرىلدى. بۇل رەتتە، ەگەر كولىك قۇرالى مەنشىگىندە بولماسا قاتە مالىمەتتەردى جەدەل تۇزەتۋ ءۇشىن App Store جانە Play Marke-تەن جۇكتەۋگە بولاتىن e-Salyq ءموبيلدى قوسىمشاسىندا تۇزەتۋ سەرۆيسى ازىرلەندى. ونىڭ كومەگىمەن ازاماتتار كولىك قۇرالىن ەسەپتەن شىعارۋ نەمەسە اقپاراتتى تۇزەتۋ ءۇشىن ۋاكىلەتتى ورگانعا جۇگىنە الادى. ەگەر ءوتىنىش بەرىلگەننەن كەيىن ۋاكىلەتتى ورگاننىڭ دەرەكتەر بازاسىنا تۇزەتۋلەر ەنگىزسە، سالىق ورگانى سالىقتى قايتا ەسەپتەۋدى جۇرگىزەتىنىنە نازار اۋدارامىز.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات