كارانتين كينوبيزنەس سالاسىنا قالاي اسەر ەتىپ جاتىر
جالپى قازاقستاندا فيلم جانە تەلەباعدارلاما ءوندىرىسى سالاسىنداعى قىزمەت كورسەتۋ كولەمى ءۇش ەسە ازايعان. كينو جانە ۆيدەوفيلم، تەلەباعدارلاما، فونوگرامما مەن مۋزىكالىق جازبالار ءوندىرىسى بويىنشا قىزمەت كولەمى العاشقى جارتىجىلدىقتا 17,7 ميلليارد تەڭگە پايدا تاۋىپ، وتكەن جىلدىڭ ۇقساس كەزەڭىمەن سالىستىرعاندا 31,2 پايىز كەمىگەن بولاتىن. قازاقستان ايماقتارىنىڭ ىشىندە الماتىنىڭ ءبىر وزىنە بۇل سالاداعى قىزمەت كورسەتۋ كولەمىنىڭ 69,5 پايىزى تيەسىلى: الايدا العاشقى جارتىجىلدىقتا وڭتۇستىك استاناداعى قىزمەت كولەمى 30,6 پايىزعا ازايعان.
«الماتىدان كەيىن نۇر- سۇلتان (3,3 ميلليارد ت گ — وتكەن جىلدىڭ ۇقساس كەزەڭىمەن سالىستىرعاندا %36,6 از) تۇر. قالعان وڭىرلەرگە قازاقستان بويىنشا قىزمەت كورسەتۋ كولەمىنىڭ 12,1 پايىزى عانا تيەسىلى» دەلىنگەن زەرتتەۋدە.
كينوفيلم كورسەتۋ قىزمەتى 2,3 ەسە قۇلدىراپ، 4,8 ميلليارد تەڭگەنى عانا كورسەتكەن. بۇعان لوكداۋنداردىڭ قاتتى اسەر ەتىپ تۇرعانى ايقىن. ەسكە سالا كەتەيىك، باس مەملەكەتتىك سانيتار دارىگەردىڭ قاۋلىسىنا سايكەس 16-قىركۇيەكتەن باستاپ اشىق اۋاداعى كينوتەاترلاردىڭ (مىندەتتى تۇردە الەۋمەتتىك قاشىقتىق پەن ماسكا رەجيمىن ساقتاي وتىرىپ) جۇمىس ىستەۋىنە رۇقسات بەرىلگەن بولاتىن. سونىمەن بىرگە كينو، ۆيدەوفيلم مەن تەلەباعدارلامار ءوندىرىسى قىزمەتى 2 ەسە، ياعني 4 ميلليارد تەڭگەگە قىسقارعان.