شىمكەنتتە شارۋا قوجالىعىنىڭ ەكى جۇمىسشىسى تۇينەمە جۇقتىرىپ، اۋرۋحاناعا ءتۇستى

None
None
شىمكەنت. قازاقپارات - شىمكەنتتە ەكى ادام تۇينەمە جۇقپالى اۋرۋىن جۇقتىرعان. ناۋقاستار قالالىق جۇقپالى اۋرۋلار اۋرۋحاناسىنا جاتقىزىلىپ، ەم قابىلداۋدا، دەپ حابارلايدى قازاقپارات ءتىلشىسى.

قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنشە، ەكى ەر ادام 28-تامىزدا وزدەرىن جايسىز سەزىنە باستاعان. ءسويتىپ جەكە كلينيكاعا مەديتسينالىق كومەككە جۇگىنگەن. ناۋقاستار سول جەردەن قالالىق جۇقپالى اۋرۋلار اۋرۋحاناسىنا جىبەرىلگەن. زەرتحانالىق تەكسەرۋ ناتيجەسى بويىنشا ولاردا «تۇينەمە، تەرى ءپىشىنى» دياگنوزى راستالعان. 33 جانە 19 جاستاعى ەر ادامدار تۇركىستان وبلىسى سايرام اۋدانىنىڭ قاراسۋ اۋىلىندا ورنالاسقان شارۋا قوجالىعىندا جۇمىس ىستەيدى. بۇل شارۋاشىلىق مال وسىرۋمەن جانە ساتۋمەن اينالىسادى.

«اۋرۋحاناعا قابىلداۋ كەزىندە ەكەۋىنىڭ جاعدايى ورتاشا اۋىر بولعان. سىرقاتتارمەن بايلانىستا بولعان 20 ادام انىقتالدى. ولاردىڭ اراسىندا تەراپيالىق ەمدەۋدەن وتكەن تۇرعىندار بار. قازىرگى ۋاقىتتا ەكى ناۋقاس تا ءتيىستى ەمىن قابىلداپ، جاعدايلارى جاقسارعان. اۋرۋحانادان شىعارۋعا دايىندىق ۇستىندە» دەلىنگەن حابارلامادا.

ءوڭىردىڭ ۆەتەرينارلارى اتالعان شارۋا قوجالىعىنىڭ مالىن تەكسەردى. دەگەنمەن ءۇي جانۋارلارىنەن اۋرۋ تابىلعان جوق. ايتا كەتەيىك، شىمكەنت قالاسىندا تۇينەمەنىڭ 8 تابيعي وشاعى رەسمي تۇردە تىركەلگەن. ال، تۇركىستان وبلىسىنىڭ اۋماعىندا ولاردىڭ سانى 300 دەن اسادى.

سوڭعى جاڭالىقتار