10:46, 23 - قىركۇيەك 2020 | GMT +6
نوبەل سىيلىعىن تابىستاۋ جاڭا فورماتتا وتەتىن بولدى
نۇر-سۇلتان. قازاقپارات - شۆەتسياداعى كوروناۆيرۋستىق جاعدايعا بايلانىستى 1944 -جىلدان بەرى العاش رەت 10-جەلتوقسانعا جوسپارلانعان حيميا، ادەبيەت، مەديتسينا، فيزيكا، ەكونوميكا سالاسىنداعى ءداستۇرلى نوبەل سىيلىعىنىڭ سالتاناتتى ءراسىمى وتكىزىلمەدى.
بۇل تۋرالى ءىس- شارانى ۇيىمداستىرۋشىلاردىڭ سايتىندا جاريالاندى.
«پاندەميا كەزىندەگى قازىرگى جاعداي بۇل نوبەل سىيلىعى تاريحىنداعى بىرەگەي جىل ەكەنىن بىلدىرەدى. سەبەبى مەدالدار مەن ديپلومدار لاۋرەاتتارعا ولاردىڭ ەلدەرىندەگى ەلشىلىكتەر مەن ۋنيۆەرسيتەتتەر ارقىلى ءقاۋىپسىز تۇردە بەرىلەدى»، - دەلىنگەن حابارلامادا. جاڭا فورمات اياسىندا ستوكگولمدە تەليەۆيزيالىق ستۋديا قۇرىلىپ، وعان ادامدار شەكتەۋلى سانمەن قاتىسادى. جەڭىمپازداردان ءوز ۋنيۆەرسيتەتتەرى نەمەسە ەلشىلىكتەرىندە كامەرا الدىندا تۇرۋى سۇرالادى، وسىلايشا، ولارمەن ونلاين رەجيمدە بايلانىس ورناتىلادى.