گاەتالە - جەر بەتىندەگى ەڭ تۇزدى كول

نۇر-سۇلتان. قازاقپارات - جەر شارىندا ءولى تەڭىزدەن دە تۇزدى كول بارىن بىلەمىز بە؟ الەمنىڭ اشىلماعان سىرى ءالى دە كوپ.

جەر بەتىندەگى مۇحيتتاردىڭ تۇزدىلىعى ءار جەرىندە ءارتۇرلى. ءبىر مۇحيتتىڭ وزىندە تۇزدىلىق ءارتۇرلى بولۋى مۇمكىن. دەگەنمەن دۇنيەجۇزىلىك مۇحيتتىڭ ورتاشا تۇزدىلىعى‰ 35 گە (پروميللە) تەڭ.

جەر شارىنداعى ەڭ تۇزدى تەڭىز - ءولى تەڭىز. تانىمال تەڭىزدەردىڭ ءبىرى. تەڭىزدىڭ تۇزدىلىعى ‰350- گە تەڭ. ياعني، الەمدىك مۇحيتتاعى تۇزدان ون ەسە كوپ. تۇز سۋدىڭ تىعىزدىعىن ارتتىرادى. ماسەلەن، ءولى تەڭىزدىڭ سۋى وتە تىعىز، ادام وعان باتپايدى. ءتىپتى، سيقىرشىلار سياقتى سۋدىڭ بەتىمەن ءجۇرىپ وتۋگە دە بولادى.

ءبىراق جەر شارىندا ءولى تەڭىزدەن دە تۇزدى سۋ ايدىندارى بار كورىنەدى. ماسەلەن، ەفيوپياداعى گاەتالە شاعىن سۋ قويماسىنىڭ تۇزدىلىعى 433 پروميللەگە تەڭ ەكەن. سۋ ايدىنى داناكيل ويىسىندا ورنالاسقان. كولدىڭ پايدا بولعانىنا از ۋاقىت بولعان. 2005 -جىلى ەلدىڭ سولتۇستىگىندە ءىرى جەر سىلكىنىسى بولىپ، ىستىق بۇلاقتىڭ كوزى اشىلعان. قاينار بۇلاقتىڭ سۋى جەر ۇستىنە جايىلىپ، 60 مەترلىك كولشىك پايدا بولعان. بۇلاق سۋىنىڭ تۇزدىلىعى وتە جوعارى بولىپ شىقتى. ءبىر ليتر سۋىندا 764 گرامم تۇز بار.

تۇز ادام دەنەسىنە، تەرىسىنە وتە پايدالى بولعانىمەن، بۇل كولگە شومىلۋ مۇمكىن ەمەس. ىستىق بۇلاقتىڭ تەمپەراتۋراسى 60 گرادۋسقا جەتەدى. سۋدىڭ قۇرامىندا تۇز كوپ بولعاندىقتان، ءتۇسى سارعىش.

گاەتالە - قازىرگى تاڭدا جەر بەتىندەگى ەڭ تۇزدى كول. ودان كەيىنگى ورىندا انتاركتيدادا، ۆيكتوريا جەرىندە جاتقان دون- جۋان كولى تۇر. ونىڭ تۇزدىلىعى ‰402 گە تەڭ.

massaget.kz