ەكى جامبىلدىق پويىزبەن استاناعا ەسىرتكى جىبەرمەك بولعان
«لۋگوۆوي ستانتسياسىنداعى پوليتسيا قىزمەتكەرلەرى اعىمداعى جىلدىڭ 11 -تامىزىندا «قاراسورا-2020» جەدەل- پروفيلاكتيكالىق ءىس- شاراسىن جۇرگىزۋ بارىسىندا ت. رىسقۇلوۆ اۋدانىنىڭ قۇمدى ايماعىندا جامبىل وبلىسىنىڭ ەكى تۇرعىنىن انىقتاپ، ۇستادى. تەكسەرۋ كەزىندە ولاردىڭ ءارقايسىنان وزىنە ءتان ءيىسى بار وسىمدىك تەكتەس زات سالىنعان ءبىر- ءبىر قاپ تابىلىپ، تاركىلەندى»، - دەدى كولىكتەگى پوليتسيا دەپارتامەنتىنىڭ باستىعى وڭال بەكەيەۆ.
ونىڭ ايتۋىنشا، قۇقىقبۇزۋشىلاردىڭ تۇرعىلىقتى جەرىندەگى ءشوپ قورانى ءتىنتۋ كەزىندە تاعى دا 1,5 قاپ ەسىرتكى زاتى تابىلعان. ساراپتاما قورىتىندىسىنا سايكەس، تاركىلەنگەن زاتتار جالپى سالماعى 28 كەلىدەن اساتىن ماريحۋانا ەسىرتكى زاتى بولىپ شىققان.
«سونداي- اق كولىك پوليتسەيلەرى اتالعان تۇلعالار بۇل ەسىرتكىنى قۇمدى ايماقتان جيناپ، ولاردى تەمىرجول كولىگى ارقىلى رەسپۋبليكانىڭ استاناسى مەن سولتۇستىك وڭىرلەرىنە تاسىمالداۋدى كوزدەگەندەرىن انىقتادى»، - دەدى و. بەكەيەۆ.
ت. رىسقۇلوۆ اۋداندىق سوتىنىڭ ۇكىمىمەن قاسكۇنەمدەر وسى قىلمىستى جاساعانى ءۇشىن كىنالى دەپ تانىلىپ، 3 جىل مەرزىمگە باس بوستاندىعىنان ايىرىلعان.