پرەزيدەنت ب ۇ ۇ باس اسسامبلەياسى سەسسياسىنىڭ جالپى دەباتتارىندا ءسوز سويلەيدى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي ايتتى، دەپ حابارلايدى قازاقپارات. مەملەكەت باسشىسى 23 -قىركۇيەكتە نۇر- سۇلتان ۋاقىتى بويىنشا شامامەن ساعات 19:45 تەن كەيىن بەينەكونفەرەنتسيا فورماتىندا ءسوز سويلەيدى دەپ جوسپارلانعان. پرەزيدەنت قازىرگى الەمدەگى تۇيتكىلدى ماسەلەلەر مەن سىن- قاتەرلەردى، سونىڭ ىشىندە، كوروناۆيرۋس پاندەمياسىمەن كۇرەسكە، جاھاندىق ەكونوميكانىڭ ءوسىمىن قالپىنا كەلتىرۋگە، يادرولىق قارۋدان باس تارتۋعا جانە تاراتپاۋعا، كليماتتىڭ وزگەرۋىنە قاتىستى پروبلەمالاردى شەشۋگە ارنالماق. سونىمەن قاتار قاسىم- جومارت توقايەۆ حالىقارالىق ىنتىماقتاستىقتى نىعايتۋ جانە ءوزارا سەنىم بىلدىرۋدەگى ب ۇ ۇ- نىڭ ءرولىن كۇشەيتۋگە نازار اۋدارادى. بۇدان بولەك مەملەكەت باسشىسى 2030 -جىلعا دەيىنگى ورنىقتى دامۋدىڭ كۇن ءتارتىبىن جۇزەگە اسىرۋ، «جاسىل ەكونوميكانى» دامىتۋ جانە ورتالىق ازياداعى وڭىرلىك ءىس- قيمىلداردى جانداندىرۋ ماسەلەلەرىنە ءمان بەرەدى. مەملەكەت باسشىسى ەلدىڭ ىشكى ساياساتىنا قاتىستى ماسەلەلەردى دە قامتيدى، سونىڭ ىشىندە، «حالىق ۇنىنە قۇلاق اساتىن مەملەكەت» تۇجىرىمداماسىنىڭ ىسكە اسىرىلۋىنا دا توقتالماق.
سونداي- اق قازاقستان پرەزيدەنتى ءبىرقاتار حالىقارالىق باستاما كوتەرەدى. سولاردىڭ ءبىرى - بۇكىل الەمدەگى ۆولونتەرلەردىڭ ەڭبەگىن مويىنداۋعا، قۇرمەتتەۋگە باعىتتالعان. مەملەكەت باسشىسىنىڭ سويلەگەن ءسوزىنىڭ تىكەلەي ترانسلياتسياسىن بۇۇ ۆەب سايتىنان نەمەسە Facebook-تەگى پاراقشاسىنان كورۋگە بولادى.
ەسكە سالساق، قازاقستان پرەزيدەنتى قاسىم- جومارت توقايەۆ بىرىككەن ۇلتتار ۇيىمى باس اسسامبلەياسىنىڭ مەرەيتويلىق سەسسياسى اياسىندا ب ۇۇ 75 -جىلدىعىنا ارنالعان جوعارى دەڭگەيدەگى كەزدەسۋدە بەينەۇندەۋ جاساعان ەدى.