ەلوردادا جىلۋ بەرۋ ماۋسىمى باستالدى
«ەڭ ءبىرىنشى كەزەكتە الەۋمەتتى نىساندارعا جىلۋ بەرىلەدى. قازىردىڭ وزىندە بالاباقشالاردىڭ جارتىسىنا، دەنساۋلىق ساقتاۋ سالاسىنداعى نىساندارىنى تورتتەن بىرىنە جىلۋ بەرىلىپ قويدى. سونىمەن بىرگە، الداعى كۇندەرى ءبىلىم بەرۋ مەن مادەني نىسانداردا جىلۋ قوسىلادى»، - دەپ حابارلايدى قالا اكىمدىگىنەن.
الەۋمەتتىك نىسانداردان بولەك كوپقاباتتى تۇرعىن ءۇي كەشەندەرىن دە جىلۋعا قوسۋ جوسپارلانعان. نىسانداردىڭ جىلۋ قابىلداۋعا دايىن ەكەنى تۋرالى قۇجاتتارى تەكسەرىلگەن. سونىمەن بىرگە جاڭا نىساندارعا بەرىلەتىن جىلۋدىڭ قاينار كوزى ايقىندالعان.
«جەكە سەكتوردا تۇراتىن حالىق ءۇشىن كومىر قالانىڭ ءارتۇرلى نۇكتەسىندەگى 11 ورىندا ساتىلادى. جانار- جاعارماي قويمالارىندا جەتكىلىكتى قور بار. كومىردىڭ باعاسى قاي جەردە قانداي ەكەنىن 109 نومىرىنەن بىلۋگە بولادى. سونداي- اق، تۇرعىن ءۇي ماسسيۆتەرىن گازبەن قامتۋ جۇمىسى جالعاسادى»، - دەلىنگەن اكىمدىكتىڭ حابارلاماسىندا.