+7 (701) 759 90 19
0 °С : نۇر-سۇلتان
7 °С : الماتى
USD 427.93 EUR 506.71
RUB 5.55 CNY 64.29
جاڭالىقتار

تالدىقورعاندا باۋكەسپە ۇرى قولعا ءتۇستى

22 قىركۇيەك 21:21
:ءبولىسۋ
تالدىقورعاندا باۋكەسپە ۇرى قولعا ءتۇستى

نۇر-سۇلتان.قازاقپارات -تالدىقورعاندا اسا قاۋىپتى ۇرى ۇستالدى، دەپ حابارلايدى Polisia.kz.

تالدىقورعان قالاسىندا باتىس قپب كەزەكشى بولىمىندە بيىلعى ءساۋىر ايىنان باستاپ جەكە ءۇي يەلىكتەرىندەگى ۇرلىقتىڭ بىرنەشە دەرەگى تىركەلگەن. وڭاي ولجانى جاقسى كورەتىن ازامات ءۇي يەلەرى كەتكەن ءساتتى كۇتىپ، ءتۇرلى جولدارمەن ۇيگە كىرگەن. نەگىزىنەن ول اشىق قالعان ەسىكتەر، قۇلىپتاردى بۇزۋ جانە تەرەزەنى شاعۋ ارقىلى جەكە يەلىككە ەنگەن. ۇرلانعان مۇلىكتىڭ ىشىندە ءارتۇرلى تۇرمىستىق تەحنيكا، ازىق- تۇلىك جانە ۆەلوسيپەد سياقتى ءتۇرلى زاتتار بار، جالپى العاندا، ءارتۇرلى موديفيكاتسيالاردىڭ سانى 10 عا جۋىق.

- قىلمىستىڭ جاسالۋى، ىزدەرى مەن كۋاگەرلەردىڭ بولماۋى ۇرلىقتى تاجىريبەلى ۇرى جاساعان دەگەن ويعا اكەلدى. ءتۇرلى نۇسقالاردى پىسىقتاپ، كريمينالدىق پوليتسيا قىزمەتكەرلەرى كوپتەگەن كۇدىكتىلەردى تەكسەردى، اقىرىندا ون رەت سوتتالعان اسا قاۋىپتى رەتسيديۆيست تالدىقورعان قالاسىنىڭ 54 جاستاعى تۇرعىنى بولىپ تابىلاتىن كۇدىكتىنى انىقتادى، - دەيدى تالدىقورعان قالاسى پ ب باتىس ق پ ب باستىعى ايدىن ادەنبايەۆ.

ازامات العاش رەت زاڭعا قايشى ارەكەتىن 15 جاسىندا جاساعان، سودان بەرى ول تەمىر توردىڭ ارتىندا 35 جىل ءومىرىن وتكىزگەن. ول نەگىزىنەن ۇرلىق جاساعانى ءۇشىن، ءبىر رەت اۋىر دەنە جاراقاتى ءۇشىن سوتتالعان. ول 2020 -جىلدىڭ اقپان ايىندا تۇرمەدەن بوساپ شىققان.

- بۇگىنگى كۇنى كۇدىكتىنىڭ 12 ەپيزودقا قاتىستىلىعىن دالەلدەي الدىق. ءبىز ۇرلانعان زاتتاردىڭ ءبىر بولىگىن تاۋىپ، زاڭدى يەلەرىنە قايتاردىق، ال قالعان بولىگىن كۇدىكتى ساتىپ، اقشاسىن ءوز قاجەتتىلىگىنە جۇمساعان. تاجىريبەلى جەدەل ۋاكىلدەردەن قۇرالعان ءبىزدىڭ توپ لايىقتى جۇمىس كورسەتتى جانە بارلىق 12 دەرەكتى دالەلدەپ، ونى اشكەرەلەدى. كۇدىكتى قاماققا الىندى. ونىڭ وڭىردەگى جانە وبلىس اۋماعىنداعى اشىلماعان باسقا دا قىلمىستارعا قاتىستىلىعى تەكسەرىلۋدە، - دەپ تولىقتىردى پوليتسەي ايدىن ادەنبايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات