ەلوردادا دۇكەن ساتۋشىسىن ۇرعان ادام ۇستالدى

نۇر- سۇلتان. قازاقپارات - تۇنگى ساعات ەكىدە تەمەكى مەن ىشىمدىك ىزدەگەن 30 جاستاعى جىگىت دۇكەن ساتۋشىسىنا تاپ بەرىپ، ونى ساباپ كەتكەن، دەپ حابارلايدى قازاقپارات ءتىلشىسى.

«30 جاستاعى ەلوردا تۇرعىنى ماس كۇيدە تۇنگى ەكى كەزىندە دۇكەنگە ىشىمدىك پەن تەمەكى الۋعا شىققان. دۇكەننىڭ جابىق تۇرعانىن كورگەنىمەن كارانتين شارالارىن پىسقىرماعان ول ەسىكتى قاعىپ، كەرەگىن تالاپ ەتە باستاعان. ءوز تالابىنىڭ ورىندالمايتىنىن كورگەن ول ءتىپتى تەرەزەنى تەپكىلەپ، سىرتقا شىققان ساتۋشىعا تاپ بەرگەن. وسىدان كەيىن بۇزاقى قايتىپ كەتكەن»،-دەپ حابارلايدى قالالىق پوليتسيا دەپارتامەنتىنەن. وقيعا ورنىنا جەتكەن ءتارتىپ ساقشىلارى ءىز سۋىتىپ كەتپەك بولعان بۇزاقىنى ۇستاپ، پوليتسيا بولىمشەسىنە جەتكىزدى. قازىرگى ۋاقىتتا اتالعان ءىس بويىنشا ق ر ق ك 293-بابى (بۇزاقىلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر.

ايان بەكەن ۇلى