الماتىدا وزەننەن ۇيىنە سۋ تارتقان تۇرعىندارعا ايىپپۇل سالىندى

None
None
الماتى. قازاقپارات - الماتى تۇرعىندارى ۇلكەن الماتى وزەنىنىڭ سۋىن ۇيىنە زاڭسىز تارتىپ العان ادامدارعا قاتىستى شاعىمداندى، دەپ حابارلايدى قازاقپارات ءتىلشىسى.

«ءبىز بۇل ماسەلەنى بىلەمىز. ارنايى قۇرىلعان كوميسسيانىڭ تەكسەرۋى ناتيجەسىندە 4 وتباسى ۇلكەن الماتى وزەنىنە سورعىش ورناتىپ ۇيىنە سۋ الىپ وتىرعانى انىقتالدى. ەكولوگيالىق ينسپەكسيا ولارعا ايىپپۇل سالدى. جەرگىلىكتى ءوزىن ءوزى باسقارۋ كوميتەتىنىڭ ءتوراعاسى كۇندەلىكتى تەكسەرۋگە شىعىپ ءجۇر»، - دەدى ونلاين بريفينگ بارىسىندا بوستاندىق اۋدانى اكىمىنىڭ ورىنباسارى سەرىك ادىلبايەۆ.

بۇعان دەيىن الەۋمەتتىك جەلىدە وزەن جاعاسىندا تۇراتىن كەيبىر تۇرعىنداردىڭ سۋ سوراتىن ارنايى ەلەكتر قۇرىلعىلارىن ورناتىپ العانى تۋرالى جازبا جاريالانعان بولاتىن. ولاردىڭ ايتۋىنشا، بۇل ءبىرىنشى كەزەكتە بالالار ءۇشىن قاۋىپ تۋدىرادى. سونىمەن قاتار، ب ا ق بەتتەرىندە ۇلكەن الماتى وزەنىندە توك سوعىپ ولگەن ءيت تۋرالى دا جازىلعان بولاتىن.

اۆتور: گۇلميرا عوسمانالي

سوڭعى جاڭالىقتار