پوليسەيلەردىڭ قىزمەتتىك بولمەسىنە ۆيدەوباقىلاۋ ورناتىلادى – ق ر ءى ءى م

اقتوبە. قازاقپارات - اقتوبە وبلىستىق پوليتسيا دەپارتامەنتىندە ەلىمىزدىڭ ىشكى ىستەر ءمينيسترىنىڭ ورىنباسارى ارىستانعالي زاپپاروۆتىڭ قاتىسۋىمەن ق ر پرەزيدەنتى جولداۋىن ءتۇسىندىرۋ ماسەلەلەرىنە ارنالعان جيىن ءوتتى، دەپ حابارلايدى قازاقپارات ءتىلشىسى.

Polisia.kz پورتالىنىڭ مالىمەتىنشە، جيىنعا دەپارتامەنتتىڭ ءبولىم باسشىلارى قاتىسىپ، اۋداندىق پوليتسيا بولىمدەرىنىڭ باسشىلارى سەلەكتور رەجيمىندە قوسىلعان. ا. زاپپاروۆ ق ر پرەزيدەنتى قاسىم- جومارت توقايەۆتىڭ جولداۋىنىڭ پوليتسيا جۇمىسىنا، ونىڭ ىشىندە دەربەس توتەنشە جاعدايلار مينيسترلىگىن قۇرۋ، ۋچاسكەلىك پوليتسيا ينسپەكتورلارىنىڭ مارتەبەسىن ارتتىرۋ، سيفرلاندىرۋدى دامىتۋ، جەمقورلىقپەن كۇرەس سىندى نەگىزگى باعىتتارى جايىندا ءسوز قوزعادى.

«پرەزيدەنت تاپسىرماسىنا سايكەس، توتەنشە جاعدايلار مينيسترلىگى قايتا قۇرىلدى. بۇرىنىراق ونىڭ قىزمەتى ىشكى ىستەر مينيسترلىگىنىڭ قۇرامىندا بولعانى بەلگىلى. جولداۋعا سايكەس، ۋچاسكەلىك پوليتسيا ينسپەكتورلارىنىڭ مارتەبەسى ارتتىرىلادى. بۇل - وتە ماڭىزدى. ءاربىر ۋچاسكەلىك پوليتسەي ءوز اۋدانىندا ابىرويلى، تانىمال ادام بولۋى ءتيىس. ءبىز ۋچاسكەلىك پوليتسيا ينسپەكتورلارىنىڭ ماتەريالدىق- تەحنيكالىق بازاسىن جاقسارتامىز، ولاردىڭ جالاقىسىنا قوسىمشا ۇستەماقى قاراستىرىلاتىن بولادى. ۋچاسكەلىك پوليتسيا ينسپەكتورىنىڭ مارتەبەسى، وكىلەتتىگى زاڭنامالىق نەگىزدە ارتتىرىلادى»، - دەدى ول.

ونىڭ ايتۋىنشا، ۋچاسكەلىك پوليتسيا ينسپەكتورلارىن جۇمىس ىستەۋى ءۇشىن كولىكپەن جانە پلانشەتپەن قامتۋ ارقىلى ماتەريالدىق- تەحنيكالىق بازاسىن جاقسارتۋ جوسپارلانىپ وتىر. بۇعان قوسا، بۇكىل ەلىمىزدەگى پەنيتەنتسيارلىق مەكەمەلەردە، پوليتسەيلەردىڭ قىزمەتتىك بولمەلەرىندە تۇتاستاي بەينەباقىلاۋ ەنگىزۋ شارالارى قابىلدانىپ جاتىر.

اۆتور: مارلان جيەمباي