قازاقستان الماسى رەسەيگە ەكسپورتقا شىعارىلدى

نۇر-سۇلتان. قازاقپارات - قازاقستان الماسى رەسەيگە ەسپورتقا شىعارىلدى.

بۇل تۋرالى ق ر ساۋدا جانە ينتەگراتسيا ءمينيسترى باقىت سۇلتانوۆ Facebook پاراقشاسىندا جازدى، دەپ حابارلايدى قازاقپارات ءتىلشىسى.

«دوستار، بۇگىن تاعى ءبىر ماڭىزدى ەكسپورتتىق تاۋار - قازاقستاندىق باقتاردا وسىرىلگەن ءدامدى الما تۋرالى ايتقىم كەلەدى. بيىلعى جىلى ەكونوميكالىق جاعدايدىڭ قيىندىعىنا قاراماستان، «Arnau Agro» ج ش س- نىڭ المالارىن رەسەيگە جەتكىزۋدى باستاۋ مۇمكىندىگى تۋدى. العاشقى پارتيالاردىڭ ءبىرى قازىر نوۆوسىبىرگە جەتكىزىلدى جانە ءونىم جەرگىلىكتى تۇرعىندار اراسىندا ۇلكەن سۇرانىسقا يە. بۇل المالاردى ەكسپورتتاۋدا مەملەكەتتىك قولداۋ قۇرالدارى ۇلكەن ءرول اتقارعانىن اتاپ وتكىم كەلەدى»، - دەيدى مينيستر.

اۆتور: مارلان جيەمباي