ەلوردادا نەسيە اپەرەم دەپ الداپ، اقشا جىمقىرعان ايەل ىزدەستىرىلىپ جاتىر

نۇر-سۇلتان. قازاقپارات - ەلوردا پوليتسياسى جەدەل- تەرگەۋ شارالارى بارىسىندا الاياقتىق جاسادى دەگەن كۇدىككە ىلىنگەن ايەلدى انىقتادى، دەپ حابارلايدى قازاقپارات نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ءتارتىپ ساقشىلارىنىڭ مالىمەتىنشە، قازىرگى كەزدە ەلوردانىڭ ەكى تۇرعىنىن الداپ سوققان قاراعاندى وبلىسىنىڭ تۋماسى بۇعان دەيىن وسىعان ۇقساس قىلمىستاردى جاساعانى ءۇشىن الماتى قالاسىندا قاماۋدا بولعان. ەلوردادا بۇرىن «الاياقتىق» بابى بويىنشا سوتتالعان 32 جاستاعى كۇدىكتى ايەل جابىرلەنۋشىلەردى الداپ، 900 مىڭ تەڭگە كولەمىندە اقشالاي سومانى قالتاسىنا باسقان. جابىرلەنۋشىلەردىڭ ايتۋىنشا، الاياق ايەل ولاردان بۇل سومانى «دامۋ» قورىنان نەسيە راسىمدەۋگە كومەكتەسكەنى ءۇشىن العان.

اتالعان تۇلعانىڭ زاڭعا قايشى ارەكەتتەرىنەن زارداپ شەككەن نەمەسە ول تۋرالى قانداي دا ءبىر مالىمەت بىلەتىن ازاماتتار نۇر-سۇلتان قالاسىنىڭ بەيبىتشىلىك، 19-مەكەنجايىندا ورنالاسقان پوليتسيا دەپارتامەنتىنە نەمەسە مىنا تەلەفون نومىرلەرىنە حابارلاسا الادى: 87172716171، 716247، 716010، 87089049498، 102

اۆتور: زارينا تۋعانبايەۆا