اقتوبەدەگى وقۋشى قىزدار توبەلەسى: قىلمىستىق ءىس قوزعالدى

None
None
اقتوبە. قازاقپارات - كەڭقياق پەن شۇبارشي اۋىلىنداعى وقۋشى قىزدار توبەلەسىنە قاتىستى تەرگەۋ باستالىپ، قىلمىستىق ءىس قوزعالدى، دەپ حابارلايدى قازاقپارات ءتىلشىسى.

ايتا كەتەيىك، كەشە اقتوبە وبلىسى تەمىر اۋدانى شۇبارشي اۋىلىندا مەكتەپ وقۋشىلارى توبەلەستى. ولاردىڭ كىم ەكەنى انىقتالعان. ءبارى - 8-9-سىنىپ وقۋشىلارى. ارالارىندا جانجال بولىپ، ءبىرى ونى تەلەفون كامەراسىنا ءتۇسىرىپ العان.

«مەكتەپ وقۋشىلارىنىڭ ءبىرى 8-سىنىپ وقۋشىسىن ۇرىپ-سوققان. وقيعا ورنىندا بولعان قاتارلاستارى ونى ۇيالى تەلەفون كامەراسىنا ءتۇسىرىپ العان. اتالعان فاكتى نەگىزىندە قىلمىستىق كودەكستىڭ 293-بابى 2-بولىگى، ياعني، بۇزاقىلىق دەرەگى بويىنشا ءىس تىركەلىپ، سوتقا دەيىنگى تەرگەۋ جۇرگىزىلىپ جاتىر. بۇل فاكتىنى تەمىر اۋداندىق پوليتسيا ءبولىمىنىڭ كامەلەتكە تولماعاندار ءىسى جونىندەگى ينسپەكتورلارى انىقتادى»، - دەپ حابارلادى وبلىستىق پ د باسپا ءسوز قىزمەتى.

قازىرگى ۋاقىتتا كامەلەتكە تولماعانداردىڭ اتا-انالارىن بالالاردى تيىسىنشە تاربيەلەمەگەنى ءۇشىن جاۋاپقا تارتۋ جايى قارالىپ جاتىر.

«اتا-انالاردى بالالارىن، اسىرەسە جاسوسپىرىمدەردى تاربيەلەۋ ماسەلەسىنە جاۋاپكەرشىلىكپەن قاراۋعا شاقىرامىز. ولار جاساعان قۇقىق بۇزۋشىلىقتارى ءۇشىن جاۋاپقا تارتىلاتىنىن ءبىلۋى ءتيىس. سونىمەن قاتار، كامەلەتكە تولماعاندار ءىسى جونىندەگى ينسپەكتورلار اۋداننىڭ وقۋ ورىندارىندا پروفيلاكتيكالىق اڭگىمە جۇرگىزدى»، - دەپ ءتۇسىندىردى اقتوبە وبلىسى پ د باستىعى اتىعاي ارىستانوۆ.



اۆتور: التىناي ساعىندىقوۆا


سوڭعى جاڭالىقتار