ەلوردادا ءۇش ادامدى پىشاقپەن جاراقاتتاعان كۇدىكتى ۇستالدى
پوليتسيا دەپارتامەنتىنىڭ مالىمەتىنشە، تانىسىنىڭ ۇيىندە قوناقتا بولعان كۇدىكتى سپيرتتىك ىشىمدىككە ماسايعان. وتىرىس بارىسىندا كۇدىكتىگە تانىسىنىڭ بالاسىن تاربيەلەۋدەگى ءتاسىلى ۇناماعان. وسىنىڭ سالدارىنان ەكەۋى جانجالداسىپ، 30 جاستاعى قوناق ءۇي يەسىنە ءۇش رەت پىشاق جاراقاتىن سالعان. بۇدان كەيىن پاتەردەن جۇگىرىپ شىققان كەزدە، باسپالداقتا كورشىسىن كەزدەستىرگەن. قىلمىس ورنىنان جىلدام جاسىرىنۋ ماقساتىندا كورشىسىن دە پىشاقتاعان، سونىمەن قاتار جانجالدى ەستىپ جۇگىرىپ شىققان ونىڭ ايەلىنىڭ قولىن جاراقاتتادى.
«وقيعا ورنىنا شۇعىل جەتكەن پوليتسيا قىزمەتكەرلەرى كۇدىكتىنى 15 مينۋتتىڭ ىشىندە ۇستادى. اتالعان فاكتى بويىنشا سوتقا دەيىنگى تەرگەۋ جۇرگىزىلۋدە. ونىڭ بۇعان دەيىن ءىستى بولعانى انىقتالدى»، - دەلىنگەن باسپا ءسوز قىزمەتىنىڭ حابارلاماسىندا.
اۆتور: رۋسلان عابباسوۆ