الماتى پوليتسياسى كۇشەيتىلگەن رەجيمگە كوشتى

الماتى. قازاقپارات - الماتى قالالىق پوليتسيا دەپارتامەنتى «قاۋىپسىز جول» رەسپۋبليكالىق جەدەل الدىن الۋ شاراسىنا بايلانىستى پوليتسيا قىزمەتى كۇشەيتىلگەن رەجيمگە كوشكەنىن ءمالىم ەتتى، دەپ حابارلايدى قازاقپارات ءتىلشىسى.

«22-24- قىركۇيەك ارالىعىندا وتەتىن ءىس-شارا جول-كولىك وقيعاسىنىڭ الدىن الۋعا جانە ازايتۋعا، ولاردىڭ سالدارىنىڭ اۋىرلىعىنا باعىتتالعان. ونىڭ ماقساتى - الدىن الۋ جۇمىستارىن كۇشەيتۋ جانە جول پايدالانۋشىلارى اراسىندا جول قاۋىپسىزدىگى تالاپتارىنىڭ ساقتالۋىن باقىلاۋ، ءتيىستى قوعامدىق ءتارتىپتى، جول قاۋىپسىزدىگىن قامتاماسىز ەتۋ جانە جول-كولىك وقيعالارىن ازايتۋ. بۇل كۇندەرى جەكە قۇرام كۇشەيتىلگەن رەجيمدە قىزمەت ەتەدى. سونداي-اق، «قاۋىپسىز جول» ناۋقانى اياسىندا جولاۋشىلار مەن جۇكتەردى اۆتوكولىكتەرمەن تاسىمالداۋدى جۇزەگە اسىرۋدا جول قاۋىپسىزدىگىن باقىلاۋعا ەرەكشە نازار اۋدارىلاتىن بولادى»، - دەيدى الماتى قالالىق پ د اكىمشىلىك پوليتسيا باسقارماسىنىڭ باستىعى جاندوس مۇراتاليەۆ.

سونىمەن قاتار، بولىمشەدە جاۋىنگەرلىك قىزمەتتىڭ جەكە قۇرامىنا جۇكتەلگەن نەگىزگى مىندەت-جول ءجۇرۋ ەرەجەلەرىن بۇزۋشىلىقتاردىڭ جولىن كەسۋ، جول ەرەجەلەرىنىڭ تالاپتارىن ەسكەرمەيتىن جۇرگىزۋشىلەردى انىقتاۋ.

«سونداي-اق، جۇرگىزۋشىلەر مەن جاياۋ جۇرگىنشىلەر اراسىندا جول قوزعالىسى ەرەجەلەرىن ساقتاۋ بويىنشا قۇقىقتىق ءتۇسىندىرۋ جۇمىستارى جۇرگىزىلەتىن بولادى. كوبىنە جول اپاتىنا تەك جۇرگىزۋشىلەر عانا ەمەس، جاياۋ جۇرگىنشىلەر دە كىنالى. سوندىقتان مەن تۇرعىندارعا كوشەلەردە قاتاڭ بەلگىلەنگەن جاياۋ جۇرگىنشىلەر وتكەلدەرىنەن جانە تەك جاسىل باعدارشامدا وتىڭىزدەر»، - دەگىم كەلەدى. جۇرگىزۋشىلەر وتە مۇقيات بولۋى ، جول ەرەجەسىن بۇزباۋى جانە جىلدامدىقتى ساقتاۋى كەرەك»، - دەدى جاندوس مۇراتاليەۆ.