11:29, 22 - قىركۇيەك 2020 | GMT +6
ەلوردانى كەزگەن قابان: ينسپەكتورلار جابايى اڭداردى ىزدەپ تابا المادى
نۇر-سۇلتان. قازاقپارات - استاناعا جابايى قاباننىڭ قايدان كەلگەنى بەلگىلى بولدى، دەپ حابارلايدى قازاقپارات ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ.
قىركۇيەكتىڭ 20 سىنان 21 ىنە قاراعان ءتۇنى نۇر-سۇلتان قالاسى، تۇران كوشەسى بويىندا جابايى قاباندار كوزگە ءتۇستى.
ونىڭ ۆيدەوسى الەۋمەتتىك جەلىدە تاراپ كەتتى.
«وسىعان بايلانىستى اقمولا وبلىستىق اۋماقتىق ينسپەكتسياسىنىڭ ينسپەكتورلارى تابيعاتتى قورعاۋ پوليتسياسىمەن بىرلەسە وتىرىپ، ماڭايدى تورىپ شىققان. ىزدەۋ بارىسىندا قاباندار كوشى انىقتالماعان» دەپ حابارلايدى ۆەدومستۆودان.
ورمان شارۋاشىلىعى جانە جانۋارلار الەمى كوميتەتىنىڭ مالىمەتىنە سايكەس، اقمولا وبلىسى توڭىرەگىندە 2500 گە جۋىق جابايى شوشقا بار. ولار قالا تەرريتورياسىنا ميگراتسيا ارقىلى ءوتۋى مۇمكىن.