گولوۆكين تايسونمەن جانە باسقا دا اڭىزعا اينالعان تۇلعالارمەن ءبىر قاتاردا ورىن الدى

None
None
نۇر-سۇلتان. قازاقپارات - Twitter- دە بوكس تۋرالى حابار تاراتاتىن تانىمال اككاۋنت The Squared Circle قازاقستاندىق بوكسشى گەننادي گولوۆكيندى (40-1-1، 35 ك و) سۇيىكتى بەس بوكسشىسىنىڭ تىزىمىنە قوستى، دەپ حابارلايدى قازاقپارات Sports.kz سايتىنا سىلتەمە جاساپ.

سونداي-اق بۇل تىزىمدە مايك تايسون، توماس حيرنس، مارۆين حاگلەر جانە دجەيمس تونيدىڭ ەسىمدەرى تۇر.

ەسكە سالا كەتسەك، 38 جاستاعى گولوۆكين - IBF جانە IBO تۇجىرىمدامالارى بويىنشا ورتا سالماقتاعى الەم چەمپيونى. ول سونداي-اق WBC جانە WBA Super بەلدىكتەرىنىڭ يەگەرى بولدى.

گەنناديدىڭ قاراشا ايىندا رينگكە ورالىپ، وندا پولشا بوكسشىسى كاميل شەرەمەتامەن (21-0، 5 ك و) IBF تيتۋلى ءۇشىن جۇدىرىقتاساتىنى كۇتىلىپ وتىر. ازىرگە گولوۆكين-شەرەمەتا اراسىنداعى جەكپە-جەك وتكىزىلەتىن كۇن مەن ورنى رەسمي تۇردە بەكىتىلگەن جوق.

سوڭعى جاڭالىقتار