جويىلۋ الدىندا تۇرعان تىرشىلىك يەلەرى

None
None
نۇر-سۇلتان. قازاقپارات -سۋماترا مۇيىزتۇمسىعى تۇقىمداستارىنىڭ اراسىنداعى ەڭ كىشكەنتايى. بويى ءبىر مەتردەن اسپايدى، ال ۇزىندىعى ءۇش مەترگە دە جەتپەيدى.

ەرتەرەكتە سۋماترا ءمۇيىزتۇمسىعى قىتاي، مالايزيا، يندونەزيا مەن ميانما اۋماعىن مەكەندەگەن. ال قازىر تەك سۋماترادا قالدى.

2015 -جىلى الەم بويىنشا بار بولعانى 80 باس سۋماترا ءمۇيىزتۇمسىعى قالعان. ولاردى حايۋاناتتار باعىنا اكەلگەنىنە قاراماستان سانى كوبەيەر ەمەس. سەبەبى ۇيرەنشىكتى ورتاسىنان تىس جەردە 20 جىلعا دەيىن ۇرپاق بەرمەي ءومىر ءسۇرۋى مۇمكىن.

جوعارىداعى كارتادا ەكى ءمۇيىزدى قارا ءمۇيىزتۇمسىقتىڭ پوپۋلياتسياسى كورسەتىلگەن. قىزىلمەن بەلگىلەنگەن اۋماقتا بۇل ءمۇيىزتۇمسىقتىلار جويىلىپ كەتتى. ويتكەنى اڭشىلار بۇل جانۋاردىڭ مۇيىزىنە بولا اتادى. زاڭسىز بازارلاردا تۇمسىعى قىمبات باعالانادى. ال قىتايدىڭ حالىق مەديتسيناسىندا ءمۇيىزتۇمسىقتىڭ تۇمسىعىنان ءتۇرلى ەمدىك دارىلەر جاسايدى.


تۋىستارى سەكىلدى باتپاق جەردە تىرشىلىك ەتىپ، ارى- بەرى سەكىرۋدى ۇناتپايتىن شۇبار الا ارلەكين باقاسى پاناما مەن كوستا- ريكانى مەكەندەيدى. وتە ادەمى ءارى وتە ۋلى. وتكەن عاسىردىڭ 90- جىلدارى عالىمدار باقانىڭ بۇل ءتۇرىن جويىلىپ كەتتى دەپ ساناعان. الايدا كەيىن ولار باستاپقى مەكەنىنەن باسقا جەردەن انىقتالدى. شۇبار الا باقانىڭ ازايۋىنا سوڭعى 20 جىلدان بەرى توقتاماي كەلە جاتقان ساڭىراۋقۇلاق ينفەكتسياسى سەبەپ. بۇل ەپيدەميانىڭ سالدارىنان ارلەكيننىڭ سانى كۇرت ازايىپ كەتتى.

حانشايىم الەكساندرانىڭ جەلكەنى كوبەلەگى ۇلىبريتانيا پاتشاسى VII ەدۋاردتىڭ جۇبايىنىڭ قۇرمەتىنە اتالعان. قاناتىمەن قوسا العاندا 27 سانتيمەترگە جەتەدى. وسى ءبىر ادەمى كوبەلەك مەكەن ەتەتىن پاپۋا - جاڭا گۆينەيا اۋماعىنداعى ورماندى جاپپاي كەسۋدىڭ سالدارىنان ولار جويىلۋ الدىندا تۇر.

عالىمدار جەر بەتىندەگى جانۋارلاردىڭ قانداي جىلدامدىقپەن جويىلىپ جاتقانىن ەسەپتەدى. كەيىنگى پلەيستوتسەن داۋىرىنەن بەرى وتكەن 126 مىڭ جىلدا سۇتقورەكتىلەردىڭ 351 ءتۇرى جويىلعان. ەگەر تابيعاتتى قورعاۋ بويىنشا جوبالار قابىلدانباسا الداعى ءبىر عاسىردا سۇتقورەكتىلەردىڭ 550 تۇرى جەر بەتىنەن تولىق جويىلىپ كەتۋى مۇمكىن.

massaget.kz

سوڭعى جاڭالىقتار